پرێمەرلیگ لەبارەی سەرپێچیکردنی چەند یانەیەک بڕیاریدا

یاریگا –

یانەکانی مانچێستەر سیتی، مانچێستەر یونایتد، لێستەر سیتی و ئێڤەرتن لە سزای پرێمەرلیگ رزگارییان بوو.

پرێمەرلیگ لە بەیاننامەیەکدا بڵاویکردووەتەوە، هیچ یانەیەک لەم وەرزەدا رێساکانی بەردەوامبوونی قازانجی نەشکاندووە، کە بەگوێرەی رێسایەکە نابێت هیچ یانەیەک زیانەکانی سێ وەرزی 105 ملیۆن پاوەند تێبپەڕێنێت.

مەترسییەکی زۆر لەسەر چەند یانەیەکی پرێمەرلیگ هەبوو و گومان لە شکاندنی رێساکان لە مان سیتی و لێستەر سیتی دەکرا، بەڵام هیچ یانەیەک سزا نەدرا.

لێستەر سیتی نزیکترین یانە بوو لەلایەن پرێمەرلیگەوە بەهۆی سەرپێچیکردنی لە رێساکانی بەردەوامبوونی قازانج سزا بدرێت، بەڵام هیچ یانەیەک بەر ئەو سزایە نەکەوتووە و هەر 20 یانەکە رزگارییان بوو. هیچ یانەیە کە لە ماوەی نێوان وەرزەکانی 2021/22 تاوەکو 2023/24 رێژەی زیانەکانی نەگەیشتووەتە 105 ملیۆن پاوەند.