ئه‌مریکا

ئاگرەکەی لۆس ئەنجلس کێشە بۆ جامی جیهانی دروست دەکات

Yariga App

شاری لۆس ئەنجلس لە ویلایەتی کالیفۆرنیای سەر بە ویلایەتە یەکگرتووەکانی ئەمریکا بە کارەساتێکی سروشتی گەورەدا تێدەپەڕێت و ئەگەری ئەوە هەیە کێشە بۆ چەند پاڵەوانێتییەکی وەرزشی دروست بێت لە نێویاندا جامی جیهانی.

بەشێكی لۆس ئەنجلس بە تەواوی بەهۆی ئاگرەوە تەختی زەوی بووەو تا ئێستاش نەتوانراوە کۆنترۆڵ بکرێت.

 

لەلایەن کەناڵی ئێن بی سییەوە ئەم پرسە رووبەرووی گاڤن نیوسمی حاکمی کالیفۆرنیا کرا، ئەویش لە وەڵامدا وتی

ئەم رووداوە وەرزشییە گرنگانە دەرفەتێکە تاوەکو کۆمەڵگای ئێمە تیایدا بدرەوشێتەوە. لە ئێستاوە سەرقاڵی پلانی دووبارە بنیاتنانەوەین بۆ دروستکردنەوەی وەشانی نوێی لۆس ئەنجلس.

بەڵام کاتێک رۆژنامەنووسەکە پرسیاری پلانەکانی لێکرد،  لە وەڵامدا تەنها وتی

دەستمان کردووە بە قسەکردن لەسەر ئەوەی چۆن ئەنجامی بدەین

زیانەکانی ئاگرەکەی لۆس ئەنجلس بە زیاد لە 150 ملیار دۆلار دەخەمڵێنرێن و شارەکە پێویستی بە کاتێکی زۆرە بۆ دووبارە بنیاتنانەوە. ئەمەش لە کاتێکدایە ساڵی ئاییندە لە مانگی دوو دا ، وا بڕیارە سوپەر بۆوڵ بەڕێوەبچێت، هەروەها لە مانگی شەشدا چەند یارییەکی جامی جیهانی تێدا ئەنجام دەدرێت. دواتریش لە 2026 بڕیار وایە میوانداری ئۆڵەمپیاد بکات.

بابەتی زیاتر

Back to top button