زانیاری نوێ لەبارەی پەیوەندیکردنی سەڵاح بە سعودیە گەیشت
یاریگا –
دەگەینە ناوەڕاستی مێرکاتۆی زستانە و هێشتا هیچ ئاماژەیەکی روون دەرنەکەوتووە بۆ نوێکردنەوەی گرێبەستی محەمەد سەڵاح لەگەڵ لیڤەرپوول.
سەڵاح لە کۆتا 6 مانگی گرێبەستەکەیەتی لەگەڵ رێدز و لێدوانی چەند هەفتەی پێش ئێستای یاریزانەکە کە هیچ پێشڤەچوونێک نییە بۆ نوێکردنەوەی گرێبەستەکەی، هێندەیتر گومانەکانی رۆشتنی بەهێزترکرد.
لە نوێترین پێشهاتدا کە پێگەی ترانسفێر مارکت بە پشتبەستن بە سەرچاوە عەرەبیەکان بڵاویکردووەتەوە، ئەستێرە میسڕیەکە رازیی بووە بە پەیوەندیکردنی بە خولی سعودیەوه لەم هاوینەی دێت.
لە درێژەی زانیارییەکەدا هاتووە کە سەڵاح لە چاوەڕوانی ئەوەدایە کام یانەی خولی ئەو وڵاتەی کەنداو هەڵبژێرێ بۆ یاریکردن.
🚨 Mo Salah has reportedly completed an agreement to move to Saudi Arabia in the summer. 🇪🇬🔜🇸🇦
He’s now waiting to find out which club he will represent.
(Source: Abdulhadi) pic.twitter.com/RYsFa3lApJ
— Transfer News Live (@DeadlineDayLive) January 13, 2025
هاوینی رابردوو بوو سەڵاح دەویست بچێتە سعودیە، بەڵام ئارنە سڵۆت توانی قایلی بکات بە مانەوە.
