لیڤەرپوول لەگەڵ گۆڵکارێکی لێهاتوو چووەتە گفتوگۆوە
یاریگا –
یانەی لیڤەرپوول چاوی لەوەیە هێشتا بژاردەکانی هێڵی پێشەوەی بەهێزتر بکات. بۆ ئەو مەبەستەش لەگەڵ گۆڵکارێکی لێهاتوو چووەتە گفتوگۆوە.
بەپێی زانیارییەکانی فلۆریان پلێتنبێرگی رۆژنامەنووسی ئەڵمانی لە تۆڕی سکای، لیڤەرپوول پەیوەندی بە یانەی نۆرنبێرگی ئەڵمانیەوە کردووە بۆ گواستنەوەی ستیفانۆ سیماس لە مێرکاتۆی هاوینە. لە چەند رۆژی رابردووشدا پەیوەندی تەلەفۆنییان ئاڵوگۆڕ کراوە و تەنانەت لیڤەر پەیوەندی بە نزیکەکانی یاریزانە یۆنانیەکەوە کردووە.
وەک پلێتنبێرگ نووسیویەتی، سیماس یەکێکە لە هێرشبەرە درەوشاوەکانی یۆنان و لەم وەرزە تا ئێستا 8 گۆڵی بۆ نۆرنبێرگ تۆمارکردووە کە ئێستا یانەکە لە خولی پلە دووی ئەڵمانیا یاری دەکات.
رۆژنامەنووسەکە نرخی یاریزانەکەشی ئاشکراکردووە و زانیویەتی کە نۆرنبێرگ داوای 25 ملیۆن پاوەند دەکات بە گۆڕانکارییەکانەوە. هاوکات هەر لە پرێمەرلیگ یانەکانی چێڵسی، برایتن، ئاستۆن ڤیلا و چەند یانەیەکی بۆندسلیگایش هەمان نیازیان هەیە.
🚨🔴 FC Liverpool have started talks with 1. FC Nürnberg about a summer transfer for Stefanos #Tzimas. There was a phone call a few days ago.#LFC have also spoken to the player’s camp.
The 19y/o striker is regarded as one of the brightest forward talents in Greece, having… pic.twitter.com/wfUPmWNc3H
— Florian Plettenberg (@Plettigoal) January 13, 2025
