زانیاری نوێ دەربارەی داهاتووی رۆناڵد ئاراوخۆ

یاریگا –

راپۆرتە رۆژنامەوانیەكان زانیاری نوێیان دەربارەی داهاتووی رۆناڵد ئاراوخۆ ئەستێرەی ئوروگوای یانەی بارسێلۆنای ئیسپانی بڵاوكردەوە.

گرێبەستەكەی ئاراوخۆی تەمەن 25 ساڵان لەگەڵ بارسێلۆنا لە هاوینی ساڵی 2026 بەسەردەچێت.

پێشتر سەرچاوەكان باسیان لە رێككەوتنی نێوان یوڤێنتوس و ئاراوخۆ كردبوو.

Frenazo a la salida de Araújo https://t.co/XU49UyLzi4 vía @diarioas

— Javi Miguel Club (@fansjavimiguel) January 13, 2025

بە گوێرەی زانیارییەكانی خافی میگیێل رۆژنامەنووسی رۆژنامەی ئاس، لە دوای پێكانەكەی ئینیگۆ مارتینێز گواستنەوەی ئاراوخۆ بۆ یوڤێنتوس راگیراوە.

شەوی رابردوو لە یاری كۆتایی جامی سوپەری ئیسپانیا بارسێلۆنا و ریال مەدرید رووبەڕووی یەک بوونەوە و بارسێلۆنا بە ئەنجامێكی گەورە و بە پێنج گۆڵ بەرامبەر دوو گۆڵ یارییەكەی بردەوە.

لە خولەكی 28 یارییەكە ئینیگۆ مارتینێز بەهۆی پێكانەوە یاریگای جێهێشت و رۆناڵد ئاراوخۆ جێگای گرتەوە.

چاوەڕوان دەكرێت ئینیگۆ بەهۆی ئەو پێكانەوە هەشت یاری لە یاریگاكان دووربكەوێتەوە.