میلان یەکەم ئۆفەری فەرمی پێشکەش بە راشفۆرد دەکات
"یاکلایی دەکەنەوە"
یاریگا –
بەفەرمی ئەیسی میلان بۆ گواستنەوەی مارکوس راشفۆرد لەگەڵ مانچێستەر یونایتد کۆدەبێتەوە.
تۆڕی هەواڵی سکای سپۆرتس بڵاویکردووەتەوە، لە چەند کاتژمێری داهاتوو نوێنەرانی میلان و مانچێستەر کۆدەبنەوە، یانە ئیتاڵییەکە یەکەم ئۆفەری فەرمی بۆ گواستتنەوەی مارکوس راشفۆرد پێشکەش بە شەیتانە سوورەکان دەکات.
شەممەی رابردوو بەر لە یاریی نێوان میلان و کالیاری، زڵاتان ئیبراهیمۆڤیچ بەڕێوبەری وەرزشی میلان لە لێدوانێکی بۆ سکای سپۆرتس پشتڕاستکردەوە هەوڵ بۆ گواستنەوەی راشفۆرد دەدەن.
راشفۆرد زۆر بەباشی دەناسم، بەیەکەوەش یارییمان کردووە. ئێستا ئەو ئەستێرەی یەکەمی مانچێستەرە، بۆ رازیکردنی هەوڵێکی زۆری ناوێت چونکە میلان یەکێکە لە گەورەترین یانەکانی جیهان.
AC Milan are expected to formally approach Manchester United over the signing of forward Marcus Rashford 🔴 pic.twitter.com/jlYplqFE7g
— Sky Sports News (@SkySportsNews) January 13, 2025
بەگوێرەی هەمان سەرچاوە، بۆڕووسیا دۆرتموندیش بەسەختی هەوڵی گواستنەوەی هێرشبەرە ئینگلیزەکە دەدات. دەیانەوێت سود لەو پەیوەندییە پتەوە وەربگرن، کە لەگەڵ مانچێستەر هەیانە، وەرزی رابردووش جەیدن سانچۆیان بەشێوەی خواستن لە یانەکەوە گواستەوە ریزەکانیان. بەڵام گواستنەوەی راشفۆرد بۆ دۆرتموند بەهۆی مووچە زۆرەکەی سەختە و ئاسان نابێت.
نوێنەرانی راشفۆرد لەگەڵ چەند یانەیەکی ئەوروپی کۆبوونەتەوە و هەڵسەنگاندن بۆ سەرجەم ئۆفەرەکان دەکەن. بەگوێرەی میدیاکان تاوەکو ئێستا میلان نزیکترین یانەیە لە یاریزانەکە.
سکای سپۆرتس روونیکردووەتەوە، مان یونایتد لەسەر چوونە دەرەوەی راشفۆرد بە خواستن تاوەکو کۆتایی وەرز رازییە، ئامادەیە نیوەی مووچەی راشفۆرد تاوەکو کۆتایی ئەم وەرزە خەرجبکات.
