ئۆفەری فەرمی بۆ گواستنەوەی ئانتۆنی گەیشتە مانچێستەر یونایتد

یاریگا –

ریال بێتیس و ئۆڵیمپیاکۆس بۆ گواستنەوەی ئانتۆنی، بە فەرمی ئۆفەریان پێشکەشی مانچێستەر یونایتد کردووە.

ئانتۆنی بەشداری لە یاریی دوێنێی مان یونایتد بەرامبەر ئارسیناڵ لە قۆناخی سێیەمی جامی یەکێتیی ئینگلتەرا نەکرد، کە بە سەرکەوتنی شەیتانە سوورەکان تەواو بوو.

تۆڕی سکای سپۆرتس بڵاویکردووەتەوە، مانچێستەر یونایتد بیر لە بژاردەکان دەکاتەوە و لەوانەیە بە خواستن رێگە بە چوونە دەرەوەی بدات.

بێتیس دەیەوێت ئانتۆنی بکاتە شوێنگرەوەی ئاسانێ دیاو، کە بەمدواییە پەیوەندی بە کۆمۆی ئیتاڵییەوە کرد..

ئانتۆنی، 24 ساڵان تاوەکو هاوینی 2027 گرێبەستی لەگەڵ مانچێستەر یونایتد هەیە، بەڵام یانە ئینگلیزەکە بڕیاریداوە لە مێرکاتۆی زستانە دەستبەرداری ئەو هێرشبەرە بەڕازیلییە بێت، کە هاوینی 2022 بەرامبەر 95 ملیۆن یۆرۆ لە ئەیاکس ئامستەردامی هۆڵەندییەوە پەیوەندی بە مان یونایتد کرد.

ئانتۆنی بە درێیس مان یونایتد لە 95 یاری 12 گۆڵ و 5 ئەسیستی کردووە، بە درێسی هەڵبژاردەی بەڕازیلیش خاوەنی 16 یاریی نێودەوڵەتی و 2 گۆڵە.