یاریگا –
ریال مەدرید چارەنووسی کارلۆ ئانچێلۆتی راهێنەری یانەکە یەکلایی دەکاتەوە.
شەوی رابردوو لە یاریی کۆتایی جامی سوپەری ئیسپانیا، ریال مەدرید 5-2 بە بارسێلۆنا دۆڕا. لەوەش خراپتر ئەوەیە دووەم کلاسیکۆیە بەدوای یەک بە ئەنجامێکی گەورە بە کاتالۆنییەکان دەدۆڕێن.
پاش یارییەکە هێرشی مەدریدییەکان بۆسەر کارلۆ ئانچێلۆتی راهێنەری یانەکەن و بە هۆکاری سەرەکی شکستەکەی دەزانن، تەنانەت بەشێک لە هاندەران داوای دوورخستنەوەی دەکەن.
رۆژنامەنووسی کۆپێ ئارانچا رۆدریگێز بڵاویکردووەتەوە، ریال مەدرید بیر لە دوورخستنەوەی ئانچێلۆتی ناکاتەوە، مەدریدییەکان لەوبڕوایەدان کارلۆ دەتوانێت لە مانگی یەک دۆخەکە بگۆڕێت و بە زنجیرەیەک سەرکەوتنی بەدوای یەک دۆخی یانەکە ئاسایی بکاتەوە.
🎙️Informa @AranchaMOBILE
⚽️Ancelotti cuenta con el respaldo del club https://t.co/aoSJecnqNy
— Tiempo de Juego (@tjcope) January 13, 2025
تەنانەت دوای ئەو شکستە سەختەش راهێنەرە ئیتاڵییەکە پاڵپشتی تەواوی ئیدارەی یانەکەی هەیە و لە پۆستەکەی دوورناخرێتەوە.
شاندی ریال مەدرید ئەمڕۆ گەڕانەوە مەدرید. ئەمڕۆ پشوو وەردەگرن و سبەی سێشەممە دەست بە مەشقەکانیان دەکەنەوە.
مێرێنگی لە 7 رۆژی داهاتوو سێ یاریی دەکات و هەرسێ یارییەکە لە یاریگای خۆیدا دەبێت.
