وێستهام شوێنگرەوەی فولکروگ دەگوازێتەوە
یاریگا –
وێستهام یونایتد بەدوای شوێنگرەوەی نیکڵاس فولکروگ دەگەڕێت.
رۆژنامەنووسی ئیتاڵی فابریزیۆ رۆمانۆ بڵاویکردووەتەوە، وێستهام یونایتد بڕیاریداوە لە مێرکاتۆی زستانە گرێبەست لەگەڵ هێرشبەرێکی نوێ بۆ شوێنی فولکروگ واژۆ بکات.
هێرشبەرە ئەڵمانییەکە هەینی رابردوو لە یارییەکانی جامی یەکێتی ئینگڵتەڕا بەرامبەر ئاستۆن ڤێلا تووشی پێکان بوو. بەوهۆیەش چەند هەفتەیەک لە یاریکردن دووردەکەوێتەوە.
🚨 West Ham confirm Niclas Füllkrug sustained a hamstring injury and will be sidelined for a number of weeks.
Hammers, set to bring in new striker in the next days/weeks. pic.twitter.com/UYyslayEbW
— Fabrizio Romano (@FabrizioRomano) January 12, 2025
هامەرز بە دۆخێکی خراپدا تێدەپەڕێت. هەفتەی رابردوو جولیان لوپیتیگی لە پۆستی راهێنەرایەتی یانەکە دوورخرایەوە و گراهام پۆتەر، راهێنەری پێشووی چێڵسی و بڕایتن شوێنی گرتەوە.
فولکروگ هاوینی رابردوو بەبڕی 27 ملیۆن یۆرۆ لە بۆڕووسیا دۆرتموندەوە پەیوەندی بە وێستهام کرد. لە سەرجەم پاڵەوانێتییەکان بەشداریی 11 یاریی یانەکەی کردووە و تەنیا 457 خولەک یاریی کردووە. 2 گۆڵی کردووە و یەک گۆڵی دروستکردووە.
