تەواو؛ یوڤێنتوس گرێبەستی بەرگریکارێک یەکلایی دەکاتەوە
"هەموو شتێک کۆتایی هاتووە"
یاریگا –
یوڤێنتوس گرێبەستی بەرگریکارێکی پۆرتوگالی یەکلایی دەکاتەوە.
رۆژنامەنووسی باوەڕپێکراو فابریزیۆ رۆمانۆ بڵاویکردووەتەوە، بۆگواستنەوەی ئالبێرتۆ کۆستا، یوڤێنتوس لەگەڵ ڤیتۆریا گویمارێشی پۆرتوگالی گەیشتووەتە رێککەوتنی کۆتایی.
یوڤێنتوس لەگەڵ سپۆرتینگ ململانێی بەدەستهێنانی بەرگریکارە پۆرتوگالییەکەی دەکرد. یوڤێ بە 15 ملیۆن یۆرۆ گرێبەستەکەی لە بەرژەوەندی خۆی یەکلایی کردەوە، کە 3 ملیۆن یۆرۆ زیاتر لە سپۆرتینگیان پێشکەش کردووە.
🚨⚪️⚫️ Juventus are closing in on Alberto Costa deal, exclusively revealed two days ago!
Official bid sent to Vitória worth €15m package, more than Sporting with €12m.
Agreement in place also with the Portuguese RB on five year deal.
Juve want to get it done in 24/48h. pic.twitter.com/xgWMzERiYT
— Fabrizio Romano (@FabrizioRomano) January 13, 2025
هەر بەگوێرەی زانیارییەکانی رۆمانۆ، گرێبەستی خانمە پیرەکە لەگەڵ بەرگریکاری باڵی راستەکە بۆ ماوەی 5 وەرزی دەبێت. یوڤێ دەیەوێت لە 24 بۆ 48 کاتژمێری داهاتوو سەرجەم رێکارەکانی گواستنەوەی یاریزانەکە تەواو بکات.
کۆستای تەمەن 21 ساڵان لەم وەرزە لە سەرجەم پاڵەوانێتییەکان 20 یاریی بۆ یانەکەی کردووە. 2 گۆڵی کردووە و گۆڵێکی دروستکردووە.
