دۆرتمۆند لەگەڵ یاریزانێکی چێڵسی گەشتە رێککەوتن

یاریگا –

یانەی برووسیا دۆرتموند لەگەڵ یاریزانێکی چێڵسی گەشتە رێککەوتن و دەیگوازێتەوە بۆ سیگناڵ ئیدوناپارک.

بەگوێرەی زانیارییەکانی فلۆریان پلێتنبێرگی رۆژنامەنووسی تۆڕی هەواڵی سکای، دۆرتموند رێناتۆ ڤێیگا گەشتووەتە رێککەوتنی زارەکی تەواوەتیی و ئێستا یانە ئەڵمانیەکە تەنها لەگەڵ چێڵسی ماوەتەوە مامەڵەکە تەواوبکات بۆ یەکلاکردنەوەی پرۆسەکە کە بەخواستن دەبێت لەگەڵ بژاردەی کڕینەوەی هەمیشەیی.

یاریزانە 21 ساڵانەکە پێش 6 مانگ بەر لە ئێستا لە بازلی سویسریەوە گواسترایەوه ریزەکانی بلووز بەڵام ئینزۆ مارێسکا وەک یاریزانی سەرەکیی پشتیپێنابەستێ، ئەوە سەرەڕای ئەو توانای کە ڤێیگا هەیەتی بە یاریکردن لە سێ شوێنی جیاوازیی یاریگا وەک باڵی چەپ، ناوەڕاستی بەرگریی و دڵی بەرگریی.

گرێبەستەکەی رێناتۆ لەگەڵ چێڵسی بۆ ماوەی 7 ساڵ بوو کە تێچووەکەی 14 ملیۆن یۆرۆ بوو. چەند رۆژێ لەمەوبەریش پێگەی Football Insider بڵاویکردەوە کە یاریزان پۆرتوگالیەکە دەیەوێ لە چێڵسی بڕوات.

بەفەرمی چێڵسی یاریزانێکی پۆرتوگالی گواستەوە