دەنگۆکانی مێرکاتۆ؛ بارسێلۆنا ئەستێرەیەکی کردووەتە ئامانج و کڤارا سێریا ئەی جێدەهێڵێت

یاریگا –

ناپۆلی تەواوی هەوڵەکانی بۆ گواستنەوەی ئەستێرەیەکی پرێمەرلیگ خستووەتەگەڕ، پاریس سانجێرمان لە گواستنەوەی ئەستێرەیەکی دیاری سێریا ئەی نزیکە و بارسێلۆنا ئامانجێکی گەورەی داناوە…

ناپۆلی لەدوای چوونە دەرەوەی خڤیچا کڤاراتسخێلیا، ناپۆلی تەواوی هەوڵەکانی بۆ گواستنەوەی مارکوس راشفۆرد دەخاتەگەڕ – میرەر

پاریس سانجێرمان زۆر لە گواستنەوەی کڤاراتسخێلیا لە ناپۆلییەوە نزیکە – فووت مێرکاتۆ

لەلایەکی دیکەوە سانجێرمان چاوی بڕیوەتە جۆن دوران، هێرشبەری ئاستۆن ڤیلا و لەوانەیە لە دوای چوونە دەرەوەی رانداڵ کۆلۆ موانی، ئۆفەرێکی فەرمی پێشکەشی دوران بکات – دەیلی مەیڵ

مارکۆ ئاسێنسیۆ، هێرشبەری ئیسپانی ئامادەیە پاریس سانجێرمان جێبهێڵێت، یانەکانی ئاستۆن ڤیلا، یوڤێنتوس و ریال سۆسیداد چاودەری دەکەن – فووت مێرکاتۆ

بارسێلۆنا لەسەر گواستنەوەی ئالێکساندەر ئیزاک، هێرشبەری نیوکاسڵ یونایتد سوورە، بەڵام چاوەڕێی چارەسەرکردنی کێشەکانییەتی – موندۆ دێپۆرتیڤۆ

ئەیسی میلان گرنگی بە گواستنەوەی کایڵ وۆڵکەر، بەرگریکاری مانچێستەر سیتی داوە و پێپ گواردیۆلا چوونە دەرەوەی یاریزانەکەی دووپاتکردەوە – گاردیان

چێڵسی هیوادارە بەزووترین کات گواستنەوەی مارک گێی، بەرگریکاری کریستال پاڵاس تەواو بکات، سەرەڕای بەرزی مووچەی یاریزانانی یانە لەندەنییەکە – میرەر

مارکوس کڕۆشێ، بەڕێوەبەری وەرزشی ئێنتراخت فڕانکفورت گواستنەوەی عومەر مەرمووش بۆ مانچێستەر سیتی پشتڕاست دەکاتەوە – سکای سپۆرتس

بارسێلۆنا ئۆفەرێکی فەرمی یوڤێنتوسی بۆ گواستنەوەی رۆناڵد ئاراوخۆ رەتکردووەتەوە و دەیەوێت تاوەکو هاوینی 2026 پارێزگاری لە یاریزانەەک بکات – موندۆ دێپۆرتیڤۆ

بۆڕووسیا دۆرتموند تاوەکو ئێستا دەستبەرداری بیرۆکەی گواستنەوەی کارنێی چوکوێمێکا، یاریزانی چێڵسی نەبووە – سکای سپۆرتس