یاریگا –
لویس دیاز بەردەوامە لە رەتکردنەوەی ئۆفەرەکانی لیڤەرپوولی بۆ نوێکردنەوەی ئەو یاریزانە پێشکەشی دەکەن و سوورە لەسەر دواکەوتنی ئامانجەکەی.
چیرۆکی پەیوەندیکردنی ئەستێرە کۆڵۆمبیەکە بە یانەی بارسێلۆنا بەردەوامیی هەیە و یانەکەشی درکی بەو راستیەکردووە هەربۆیە بەردەوامە لە هەوڵەکانی بۆ رازیکردنی ناوبراو بە مانەوەی زیاتر لەدوای وادەی بەسەرچوونی گرێبەستی ئێستای کە تاو هاوینی 2027 دەخایەنێ.
بەگوێرەی نوێترین زانیاریی کە رۆژنامەی موندۆ دیپۆرتیڤۆی ئیسپانی بڵاویکردووەتەوە، لویس ئەم جارەش ئۆفەرێکی دیکەی رێدزی رەتکردووەتەوە لەپێناو پەیوەندیکردنی بە یانە کەتەلۆنیەکەوە.
لەوەتەی پەیوەندیکردنی بە لیڤەرپوولەوە، دیاز ئاستی بەرزتردەبێتەوە و ئەم وەرزەش زۆر بەباشی دەرکەوتووتەوەوە بەجۆرێک لە 18 یارییدا توانیویەتی بەشداریی 15 گۆڵ بکات (12 گۆڵ و 3 ئەسێست).
ماڵپەڕی Anfield Watchی نزیک لە یانە ئینگلیزیەکە بڵاویکردووەتەوە کە بارسێلۆنا ئاگەداری دۆخەکەیە، بەڵام لەئێستادا ناتوانێ ئەو بڕە پارەیە (70-80 ملیۆن یۆرۆ) لە گواستنەوەی یاریزانەکەی باڵی چەپدا خەرجبکات.
زانیارییەکان باس لەوەدەکەن دیاز و بریکارەکانی نیگەرانن لە جۆری ئۆفەرەکانی لیڤەرپوول بەوەی کە هیچ گۆڕانکارییەکی تێدا نابینن لەچاو ئەو وەختەی لە پۆرتۆوە گواستیانەوە بۆ یانە ئینگلیزیەکە.
