ئاستۆن ڤێلا نرخی جۆن دوران بۆ پاریس دیاری دەکات و ئاسێنسیۆشی دەوێت
"پاریسییەکان لەم زستانە دەستبەرداری دوو ئەستێرە دەبن"
یاریگا –
ئاستۆن ڤێلا نرخی جۆن دوران، هێرشبەری کۆڵۆمبی تیپەکەی دیاری دەکات.
رۆژنامەنووسی بەریتانی بێن جەیکبز بڵاویکردووەیەوە، پاریس سانجێرمان بۆ گواستنەوەی جۆن دوران لەگەڵ ئاستۆن ڤێلا دەستی بە گفتوگۆی کردووە و دەیەوێت لەم زستانە یاریزانەکە بگوازێتەوە.
بەگوێرەی زانیارییەکانی جەیکبز، ئاستۆن ڤێلا نایەوێت لەم زستانە یاریزانەکە لەدەستبەدات تەنیا لە یەک حاڵەت نەبێت ئەویش ئەگەر پاریسییەکان 80 ملیۆن پاوەندیان پێشکەش بکەن.
PSG are keen on Aston Villa striker Jhon Duran, but a deal is complicated by an £80m price tag this January. Villa’s valuation informed by Duran’s form and recent contract extension. They prefer not to sell unless a crazy offer arrives.
PSG open to Randal Kolo Muani or Marco… pic.twitter.com/RjKZhyZSPz
— Ben Jacobs (@JacobsBen) January 10, 2025
ئەوەش گواستنەوەکەی سەخت کردووە، چونکە سانجێرمان لەوبڕوایەدایە ئەو نرخە زۆرە و ئامادەن 65 ملیۆن پاوەند بە یانە ئینگلیزییەکە بدەن.
هاوکات بە گوێرەی زانیارییەکانی رۆژنامەنووسی RMC فابریس هاوکینز، ئاستۆن ڤێلا دەیەوێت گرێبەست لەگەڵ مارکۆ ئاسێنسیۆی ئیسپانی و یاریزانی یانە فەڕەنسییەکە بدات، رەنگە پاریس سود لەو دەرفەتە وەربگرێت و ئاسێنسیۆ تێکهەڵکێشی گرێبەستەکەی دوران بکات.
🚨 Aston Villa are interested in signing Marco Asensio from PSG, who want to sign Jhon Duran from Villa. 💜🇪🇸
(Source: @RMCsport ) pic.twitter.com/TSgrrLbqBg
— Transfer News Live (@DeadlineDayLive) January 10, 2025
رۆژنامەنووسە فەڕەنسییەکە ئاماژەی بەوەش کردووە، پاریس خۆی یەکلایی کردووەتەوە، لەم زستانە دەستبەرداری مارکۆ ئاسێنسیۆ و راندڵ کۆلۆ موانی فەرەنسی دەبێت.
هاوکات هەریەکە لە یانەکانی مانچێستەر یونایتد و تۆتنهامی ئینگلیزی چاویان لەسەر هێرشبەرە فەڕەنسییەکەیە و دەیانەوێت گرێبەستی لەگەڵ واژۆ بەکەن.
