مانچێستەر یونایتد هێرشبەرێكی فەڕەنسی دەوێت
یاریگا –
یانەی مانچێستەر یونایتد هەوڵەكانی بۆ گواستنەوەی راندال كۆلۆ موانی ئەستێرەی فەڕەنسی یانەی پاریس سانجێرمانی فەڕەنسی دەستپێكردووە.
كۆلۆ موانی لە هاوینی ساڵی 2023 لە ریزەكانی ئینتراخت فرانكفۆرتەوە بە بەهای 95 ملیۆن یۆرۆ پەیوەندی بە پاریس سانجێرمانەوە كرد.
گرێبەستەكەی كۆلۆ موانی لەگەڵ پاریس لە هاوینی ساڵی 2028 بەسەردەچێت.
🚨🔴 Manchester United’s efforts to sign Randal Kolo Muani are becoming more concrete!
The Red Devils are now determined to do everything possible to secure his transfer in the winter. Recently, there have been very specific talks with his management, and direct negotiations… pic.twitter.com/esEzxrWbRz
— Florian Plettenberg (@Plettigoal) January 10, 2025
بە گوێرەی زانیارییەكانی سكای سپۆرت، یانەی مانچێستەر یونایتد هەوڵەكانی بۆ گواستنەوەی كۆلۆ موانی دەستپێكردووە.
ئاماژە بەوەشكراوە، شەیتانە سوورەكان هەموو هەوڵێك دەدەن بۆ ئەوەی لە گواستنەوەكانی زستانەدا تواناكانی كۆلۆ موانی بەدەستبهێنن. لە ماوەی رابردوودا گفتوگۆی تایبەت لەگەڵ بریكاری كارەكانی كراوە و پێشبینی دەكرێت گفتۆگۆكان لەگەڵ پاریسیش دەستپێبكەن.
ئەوەشخراوەتە روو، مانچێستەر یونایتد بیر لەوە دەكاتەوە بەشێوەی خواستن گرێبەست لەگەڵ هێرشبەرەكە بكات.
هەریەک لە یانەكانی چێڵسی، ئاستۆن ڤیلا، یوڤێنتوس و ئەیسی میلان هێشتا لە كێبڕكێی گواستنەوەی یاریزانەكەدان.
