یاریگا –
بەشێوەیەكی فەرمی ناوی هەردوو یاریزان دانی ئۆلمۆ و پاو ڤیكتۆر بۆ یارییركانی خولی ئیسپانیا تۆمار كرا.
پێشتر فیدراسیۆنی تۆپی پێی ئیسپانیا و یەكێتیی تۆپی پێی ئیسپانیا رەتیانكردەوە ناوی ئەو دوو یاریزانە بۆ یارییەكانی قۆناخی دووەمی لالیگا تۆمار بكەن.
Dani Olmo and Pau Víctor registered for La Liga
— FC Barcelona (@FCBarcelona) January 9, 2025
بەڵام ئەنجومەنی باڵای وەرزشی ئیسپانیا رەزامەندی لەسەر تۆماركردنی ناوی هەردوو یاریزانەكە دەربڕی و رێگەیان پێدەدەرێت بەشێوەیەكی ئاسایی لەگەڵ یانەكەیان بەشداری بكەن، بەڵام بە كاتی تاوەكو ئەو تانەیەی لەلایەن یانەكەوە پێشكەشكراوە یەكلاییدەبێتەوە.
بە گوێرەی تۆمارەكانی لالیگا، دوو یاریزانە ئیسپانییەكە لە خولی ئیسپانیا ناویان تۆمار كرایەوە.
چاوەڕوان دەكرێت رۆژی یەكشەممەی داهاتوو لە یاریی كۆتایی جامی سوپەری ئیسپانیا بارسێلۆنا و ریال مەدرید رووبەڕووی یەک ببنەوە.
بۆ ئەو یارییە هانزی فلیک دەتوانێت بەشداری بە دانی ئۆلمۆ و پاو ڤیكتۆر بكات.
