لیڤەرپوول ئەستێرەیەكی سێریا ئەی دەوێت

یاریگا –

یانەی لیڤەرپوولی ئینگلیزی دەیەوێت گرێبەست لەگەڵ ئەستێرەی یانەی ناپۆلی ئیتاڵی خڤیچا كڤاراستخێلیا یاریزانی هەڵبژاردەی جۆرجیا واژۆ بكات.

كڤارا لە هاوینی ساڵی 2022 لە ریزەكانی دینامۆ باتۆمیەوە بە بەهای 13 ملیۆن یۆرۆ پەیوەندی بە ناپۆلیەوە كرد.

گرێبەستەكەی كڤارای تەمەن 23 ساڵان لەگەڵ ناپۆلی لە هاوینی ساڵی 2027 بەسەردەچێت.

بە گوێرەی زانیارییەكانی تۆڕی ئاتلێتیک، یانەی پاریس سانجێرمانی فەڕەنسی و چێڵسی ئینگلیزی لە گرێبەستەكردن لەگەڵ كڤارا نزیكن، بەڵام لیڤەرپوول لە نزیكەوە چاودێری دۆخی یاریزانەكە دەكات.

ئاماژە بەوەشكراوە، لیڤەرپوول گرنگی بە یاریزانەكە دەدات، هەرچەندە ژمارەیەكی زۆر لە یاریزانی توانای یاریكردنیان لە باڵی چەپدا هەیە، وەک لویس دیاز، كۆدی خاكپۆ و دیێۆگۆ جۆتا.

ئەوەشخراوەتە روو، بۆ گرێبەستكردن لەگەڵ خڤیچا كڤارا پێوویستە یاریزانێكی گەورە لە لیڤەرپوول بڕوات، بەبێ زانینی ئەوەی لەگەڵ فێدێریكۆ كیێزا چی روودەدات، چونكە ئەو یاریزانە تەنیا چوار یاری لەگەڵ رێدز بەشداریكردووە و توانیویەتی گۆڵێک درووست بكات.

بە گوێرەی هەمان سەرچاوە، گواستنەوەی كڤارا بۆ لیڤەرپوول پەیوەستە بە رۆیشتنی ئەستێرەیەكی گەورەی وەک ( لویس دیاز، كۆدی خاكپۆ، جۆتا یان داروین نونێز).

لەم وەرزەدا كڤارا لەگەڵ ناپۆلی بەشداری لە 19 یاریی كردووە و توانیویەتی پێنج گۆڵ بكات و سێ گۆڵیش درووست بكات.