یاریگا –
بەشێوەیەکی فەرمی ریال مەدرید رایگەیاند، لوکا مۆدریچ بەهۆی نەخۆشی بۆ یارییەکەی ئەمشەو بەرامبەر ریال مایۆرکا ئامادە نابێت.
رۆژنامەی ئاسی ئیسپانی بڵاویکردووەتەوە، نەخۆشییەکی مۆدریچ سوکە و تەنیا تووشی پەتایەکی وەرزی بووە. ئەگەر ریال مەدرید بگاتە یاریی کۆتایی ئەوا لوکا دەتوانێت بەشداری کلاسیکۆ بکات.
مۆدریچ لەم وەرزە لە سەرجەم پاڵەوانێتییەکان بەشداری 27 یاریی یانەکەی کردووە. 2 گۆڵی کردووە و 4 گۆڵی دروستکردووە. لەم وەرزە یەکەمجارە ئەستێرە کڕواتییەکە بۆ یارییەکی ریال مەدرید ئامادە نابێت.
✍️ @AS_Tavero https://t.co/js4Guvdbjz
— Diario AS (@diarioas) January 9, 2025
ئەمشەو کاتژمێر 22:00 بەکاتی هەولێر ریال مەدرید لە قۆناخی پێشکۆتایی جامی سوپەری ئیسپانیا رووبەڕووی ریال مایۆرکا دەبێتەوە.
شەوی رابردوو بارسێلۆنا 2-0 لە ئاتلێتیک بیلباوی بردەوە و خۆی گەیاندە یاریی کۆتایی جامەکە و چاوەڕوانی براوەی نێوان ریال و مایۆرکا دەکات.
