یاریگا –
ئارنێ سڵۆتی راهێنەری لیڤەرپوڵ و ڤێرجیل ڤان دایکی ئەستێرەی تیپەکە هێرشێکی توندیان کردە سەر ئەو ناوبژیوانەی کە یاریی لیڤه‌رپوول و تۆتنهامی به‌رێوه‌برد.
لە یاریی قۆناخی پێش کۆتایی جامی ئینگڵته‌را تۆتنهام توانی سەرکەوتنێکی بەنرخ بەسەر لیڤەرپوولی میوانی به ئه‌نجامی 1-0 تۆماربكات و تاکە گۆڵی یارییەکە لەلایەن لوکاس بێرگڤاڵ لە خولەکی 86 تۆمارکرا.
ستافی تەکنیکی لیڤەرپوول بە سەرۆکایەتی ئارنێ سڵۆت ناڕەزاییه‌تیان دەربڕی دوای ئەوەی بێرگڤاڵ گۆڵەکەی تۆتنهامی تۆمارکرد، چونکە پێیان وابوو پێش گۆڵه‌كه یاریزانە ده‌بوو كارتی سور وه‌ربگرێت، چونكه به به‌هێزی له لویس دیاز و پپێشتریش له تسیمیکاسی دا.
ئارنێ سڵۆت دوای یارییەکە سەبارەت بە ئاستی ناوبژیوان گوتی،
ئەو بڕیارەی ناوبژیوان کاریگەرییەکی زۆری لەسەر ئەنجامی یارییەکە هەبوو ، ئەگەر ناوبژیوان روونی بکردایەتەوە کە بۆچی کارتی زەردی دووەمی نەدا به بێرگڤاڵ دۆخه‌كه ده‌گۆڕا، به‌ڵام دواتر هه‌مان یاریزانی گۆڵی بردنه‌وه‌ی كرد.
“شاهدت العديد من الأمور الجيدة وقدمنا أداء أفضل من الذي قدمناه ضد يونايتد لكن النتيجة لم تكن جيدة”
مدربنا ارني سلوت يحلل الأداء بالهزيمة من توتنهام. pic.twitter.com/PRmZCp6GOr
— 𝐋𝐅𝐂 𝟒𝐀𝐑 (@LFC4Ar) January 9, 2025
گوتیشی،
ناوبژیوان هه‌ڵه‌ی كرد و زوڵم له ئێمه كرا ده‌بوو یاریزانه‌كه كارتی زه‌ردی دووه‌می وه‌ربگرێت، پێم وایه ئه‌مه كاریگه‌ری له‌سه‌ر یارییه‌كه هه‌بوو.
هه‌روه‌ها ڤان دایک باسی لەوە کرد کە لە کۆتایی یارییەکە بە ناوبژیوانانی گوتووە،
پێموایە تەواو روون بوو ده‌بوو کارتی زەردی دووەم به لۆکا سێرجیڤاڵ بدرێت، ئه‌مه زۆر روون بوو.
“كان يجب أن يحصل على البطاقة الحمراء والحكم أخطأ بقراره وأخبرته بذلك وأتطلع قُدما لمباراة الإياب”
ردة فعل فيرجل فان دايك بعد الخسارة 1-0 من توتنهام. pic.twitter.com/ibaMe2IrBq
— 𝐋𝐅𝐂 𝟒𝐀𝐑 (@LFC4Ar) January 9, 2025
لە درێژەی قسەکانیدا گوتیشی،
به بۆچوونی من ناوبژیوان هەڵەیەکی گه‌وره‌ی کردووە و منیش ئەوەم پێ گوتووە، پێی وایە هەڵەی نەکردووە، بەڵام زۆر روون بوو و هەمووان ئەوە ده‌زانن، پێویست بوو کارتی زەردی دووه‌می پێبدرێت.
ئاماژەی بەوەشکرد،
یاریدەدەری ناوبژیوان هەیە، ناوبژیوانی چوارەم، هەروەها ڤاریش هه‌یه، یاریزانەکەش کارتی زەردی دووەمی وەرنەگرتووە، من ناڵێم ئەمە هۆکاری دۆڕانەکەمانە، به‌ڵام ده‌بوو كارته‌كه وه‌بگرێت ئه‌و كات دۆخه‌كه ده‌گۆرا.
بڕیاره یاریی گه‌ڕانه‌وه‌ی قۆناخی پێشكۆتایی جامی ئینگڵته‌را لە 6ی شوبات لە یاریگای ئانفێڵد بكرێت و براوەی ئەو یارییە ڕووبەڕووی براوەی یارییەکەی دیکەی قۆناخی پێش کۆتایی نێوان نیوکاسڵ و ئارسیناڵ دەبێتەوە.
