بایرن میونشن لەگەڵ جەمال موسیالا رێکدەکەوێت
"موسیالا تەنیا بایرنی دەوێت"
یاریگا –
بایرن میونشن لە نوێکردنەوەی گرێبەستی جەمال موسیالا نزیکدەبێتەوە.
رۆژنامەنووسی تۆڕی سکای ئەڵمانیا، فلۆریان پلەیتنبێرگ بڵاویکردووەتەوە، جەمال موسیالا و بەڕێوبەری کارەکانی لەوبڕوایەدان تاوەکو کۆتایی مانگی شوبات لەگەڵ بایرن میونشن بۆ نوێکردنەوەی گرێبەستەکەی دەگەنە رێککەوتن.
بەگوێرەی زانیارییەکانی سکای، موسیالا لەپێناو نوێکردنەوەی گرێبەستەکەی لە کۆی پاکێجی داواکاراوی 4 بۆ 5 ملیۆن یۆرۆی کەمکردووەتەوە و دەیەوێت کارئاسانی بۆ یانەکەی بکات.
🚨🔴 Excl | Jamal #Musiala and his management expect an agreement with FC Bayern by February at the latest!
To make the contract extension possible, Musiala have already reduced the total package by €4-5m.
The currently requested package (salary heavily performance-based +… pic.twitter.com/5xne3RARia
— Florian Plettenberg (@Plettigoal) January 8, 2025
پاکێجی داواکراوی ئێستای یاریزانەکە بریتییە لە مووچەی ساڵانەی 25 بۆ 26 ملیۆن یۆرۆ بەگوێرەی ئاستی یاریزانەکە و پاداشتە داراییەکانی وەک ئەگەری بردنەوەی خەڵاتی باڵۆن دۆر و پاداشتی دڵسۆزی یاریزانەکە.
فلۆریان ئاماژەی بەوەش کردووە، موسیالا لەگەڵ هیچ یانەیەکی دیکە گفتوگۆی نەکردووە و تەنیا دەیەوێت گرێبەستەکەی نوێبکاتەوە. گرێبەستە نوێیەکەش تاوەکو هاوینی 2029 یاخود 2030 دەبێت.
بەڵام تاوەکو ئێستا بڕیار لەسەر مەرجی هەڵوەشاندنەوەی گرێبەستەکە نەدراوە. ئەستێرە ئەڵمانییەکە داوای کردووە مەرجی هەڵوەشاندنەوەی گرێبەستەکەی بکرێت بە 175 ملیۆن یۆرۆ بەڵام بایرن رەتیکردووەتەوە و لەوبڕوایەدایە ئەوە پێچەوانەی رێسایەکی یانەکەیە کە بۆ هیچ یاریزانێک مەرجی هەڵوەشانەوەیان دانەناوە.
موسیالا داخوازییەکی هەیە و بایرنیش نایەوێ لەپێناو ئەو یاریزانەدا یاسایەکی یانەکە بشکێنن
