یاریگا –
ئەوەی هاندەرانی بارسێلۆنا بە نیگەرانیی و نادڵنیاییەکی زۆرەوە چاوەڕێی بوون سەربارەت بە کەیسی دانی ئۆلمۆ و پاو ڤیکتۆر، دادگا بڕیاری دڵخۆشکەری پێڕاگەیاندن.
دوای ئەوەی لەلایەن لالیگا و یەکێتی تۆپی پێی ئیسپانیاوە بارسێلۆنا بێهیواکرا لە تۆمارکردنی ناوی ئەو دوو یاریزانە، یانە کەتەلۆنییەکە لە هەوڵەکانی کۆڵی نەدا و هانای بردە بەر ئەنجوومەنی باڵای وەرزشیی تا کەیسەکە یەکلایی بکاتەوە.
ئەمڕۆ بە نزیکەی کاتژمێرێک پێش دەستپێکردنی یارییەکەیان لە چوارگۆشەی زێڕینی جامی شا بەرامبەر ئاتڵەتیک بیڵباو، ئەنجوومەنەکە بڕیاریدا ئەو دوو یاریزانە دەتوانن یاریی بکەن و مافی بۆ بلاوگرانا گەڕاندەوە.
🚨🚨🚨 ÚLTIMA HORA 🚨🚨🚨
¡Cautelarísima para Dani Olmo y Pau Víctor!https://t.co/EvQSsJ9tpQ
— MARCA (@marca) January 8, 2025
بەپێی بەیاننامەیەکی فەرمی یانەکە، رێگەپێدانەکە تەنها کاتییە و وەک حاڵەتێکی پێویستی کتوپڕ مامەڵەی لەگەڵداکراوە. بۆیە هێشتا تۆمارکردنیان بە فەرمی بۆ نیوەی دووەمی وەرزەکە یەکلایی نەکراوەتەوە.
