یاریگا –
لوکا مۆدریچی کڕواتی دەیەوێت وەرزێکی دیکەش لە مەدرید بمێنێتەوە.
رۆژنامەی مارکا بڵاویکردووەتەوە، لوکا مۆدریچ بیر لە نوێکردنەوەی گرێبەستەکەی لەگەڵ ریال مەدرید بۆ وەرزێکی دیکە دەکاتەوە و نیازی جێهێشتنی یانەکەی نییە.
گرێبەستی ئەفسانە کڕواتییەکە لە هاوینی داهاتوو بەسەردەچێت. مۆدریچ لەوبڕوایەدایە هێشتا توانای یاریکردنی بۆ یانەکەی ماوە و جارێ کاتی جێهێشتنی مەدرید نەهاتووە.
🚨 JUST IN: Luka Modrić is thinking to RENEW with Real Madrid. @marca pic.twitter.com/Z0Sr5edh4Z
— Madrid Xtra (@MadridXtra) January 7, 2025
هاوکات ریال مەدریدیش لاری لە مانەوەی لوکا نییە، رێز لە هەموو بڕیارێکی یاریزانەکە دەگرن. ئەگەر بیەوێت گرێبەستەکەی نوێبکاتەوە بۆی نوێدەکەنەوە، ئەگەر داوای رۆیشتنیش بکات ئەوا رێگەی دەدەن.
نۆ مانگی دیکە تەمەنی ناوەڕاستکارەکەی لۆس بلانکۆس دەبێت بە 40 ساڵ. سەرەڕای تەمەنە زۆرەکەی لەم وەرزە بەشداری 27 یاریی یانەکەی کردووە. 2 گۆڵی کردووە و 4 گۆڵیشی دروستکردووە.
