یاریگا –
کارلۆ ئانچێلۆتی پێناڵتی لێدەری ریال مەدرید جێگیر دەکات.
لەم وەرزە ریال مەدرید گرفتی لەدەستدانی لێدانی سزای هەبووە، هەرسێ یاریزان کیلیان ئێمباپێ، جود بێڵینگهام و ڤینیسیۆس جونیۆر بەنۆرە پێناڵتییەکانیان جێبەجێ کردووە.
کیلیان لە 5 لێدانی سزا 2 دانەیانی گۆڵ نەکردووە، بێڵینگهامیش بەرامبەر ڤاڵێنسیا و لە کاتێکی هەستیار لێدانی سزای لەدەستدا. بەشێوەیەکی گشتی بە درێسی ریال مەدرید لە 3 پێناڵتی دانەیەکی گۆڵ نەکردووە.
بەڵام ڤینیسیۆس جونیۆر لە 4 وەرز لەگەڵ ریال مەدرید هیچ پێناڵتییەکی لەدەستنەداوە و لەکۆی 7 پێناڵتی 7 گۆڵی کردووە.
میگوێل ئانخێل دیاز، رۆژنامەنووسی کۆپێ بڵاویکردووەیەوە، کارلۆ ئانچێلۆتی بڕیاریداوە لەمەودوا بەتەنیا ڤینیسیۆس جونیۆر پێناڵتییەکانی تیپەکە جێبەجێ بکات و کۆتایی بە سیستەمی بەنۆرە دەهێنێت.
Ancelotti, que dijo en Valencia que iba a elegir el lanzador de penaltis, ya ha tomado la decisión: será VINICIUS.
El brasileño ha marcado los 7 penaltis que ha lanzado en partido oficial con el Real Madrid (4 esta temporada).
Mbappé ha marcado 3 de 5 y Bellingham 2 de 3.
— Miguel Ángel Díaz (@miguelitocope) January 8, 2025
سبەی پێنجشەممە، لە قۆناخی پێشکۆتایی جامی سوپەری ئیسپانیا، ریال مەدرید رووبەڕووی ریال مایۆرکا دەبێتەوە.
ڤینیسیۆس جونیۆر لە یاریی رابردووی یانەکە بەرامبەر ڤاڵێنسیا بەکارتی سوور کرایە دەرەوە، بۆ دوو یاری لالیگا راگیرا، بەڵام بەشداریی یارییەکانی جامی سوپەر دەکات
