یاریگا –
کەسە نزیکەکانی رۆناڵد ئاراوخۆ، هەواڵی پەیوەندی کردنی ئەو بەرگریکارەیان بۆ یوڤێنتوس رەتکردەوە.
لە چەند کاتژمێری رابردوودا راپۆرتێکی رۆژنامەی لاگازێتا دیلۆ سپۆرت کە بانگەشەی ئەوەی کرد رۆناڵد ئاراوخۆ پەیوەندی بە یوڤێنتوسەوە دەکات، سۆشیال مێدیای داگیر کرد.
بەگوێرەی رۆژنامەکە، یانە ئیتاڵییەکە دەیەوێت بە شێوەی خواستن و بژاردەی کڕین ئەو بەرگریکارە یۆرۆگواییە بگوازێتەووە. جگە لەوەش، ئاراوخۆ پێشوازی لەو ئۆفەرە کردووە.
سەرەڕای ئەو جەنجاڵییەی کە ئەم هواڵە دوێنێ دروستی کرد، کەسە نزیکەکانی ئەم یاریزانە بە توندی وەڵامیان دایەوە بە رۆژنامەی سپۆرتیان گوت:
ئاراوخۆ نە وەڵامی ئەرێنی داوە و نە تاوەکوو ئێستا لەگەڵ یوڤێنتوس دانوستانی کردووە.
جگە لەوەش پێیان وایە دوای پێکانێکی درێژخایەن گەڕاوەتەوە و 90 خولەک یاریکردنی بەرامبەر بارباسترۆ هەنگاوێکی دیکەیە بۆ گەڕانەوە بۆ دۆخی ئاسایی خۆی. و ئامانجی ئاراوخۆ ئەوەیە کە باشترینی خۆی پێشکەش بکات و یارمەتی تیپەکەی بدات.
هەروەها ئاماژەیان بەوەشکردووە، ئاراوخۆ تا ساڵی 2026 گرێبەستی لەگەڵ بارسا هەیە و سەرەتا دەبێت یوڤێنتوس لەگەڵ بارسێلۆنا رێککەوتن بکات. لەمبارەیەوە رەتیدەکەنەوە دانوستان لەگەڵ هیچ یانەیەک بکەن بۆ ئەوەی لەم گواستنەوەی زستانەدا یانەکە جێبهێڵێت.
بەرگریکارە 25 ساڵانەکە تاوەکو هاوینی 2026 گرێبەستی لەگەڵ بارسێلۆنا هەیە و نرخی ئەو یاریزانە لە بۆرسەی یاریزانان 55 ملیۆن یۆرۆیە، کە لەوەتەی ساڵی 2020 لە بلاوگرانا یاریی دەکات و لە 151 یاری 8 گۆڵ و 6 ئەسیستی بە درێسی یانەکە کردووە.
