هیچ یانەیەک خاوەنی یاریی خاوێن نەبوو لە گەڕی رابردووی خولی نایابی کوردستان

یاریگا –

لە گەڕی رابردووی خولی نایابی کوردستان، هیچ یانەیەک یاریی خاوێنی وەرنەگرت و سەرجەم یانەکان کارتیان بە روودا بەرزکرابوویەوە.

لە کۆی حەفت یاریی لە گەڕی 12ـەی خولی نایابی کوردستان 19 گۆڵ تۆمار کرا کە حەفت گۆڵ لە گێمی یەکەم و 12 گۆڵیش لە گێمی دووەم بوون، هەر یەک لە رەوەند عەجیل لە هەولێر و سەرکار سەردار لە رزگاری و محەمەد سەرخێڵ لە شێروانە کلین شیتیان کرد و هیچ گۆڵێکیان لێ تۆمار نەکرا.

خێراترین گۆڵ لەم گەڕە تاهیر عەلی یاریزانی شەقڵاوە لە خولەکی 5 تۆماریکرد بەرامبەر رانیە، گەورەترین سەرکەوتنیش دەربەندیخان بەرامبەر ئاکرێ بوو کە بە ئەنجامی 3 _ 1 یارییەکەی بردەوە، 45 کارتی رەنگا و رەنگ بەرزکراوەتەوە، 41 کارتی زەرد و 4 کارتی سوور بووە.

لە گەڕی 12ـەی خولی نایابی کوردستان، لە کۆی 14 یانە کە یارییان کردووە هیچ یانەیەک نەیتوانی یاریی خاوێن وەربگرێت و سەرجەم یانەکان کارتیان وەرگرتووە لەلایەن ناوبژیوانەوە.