یاریگا –
نێیمار دا سێلڤا، ئەستێرەی بەڕازیلی یانەی هیلالی سعوودی قسەكانی كریستیانۆ رۆناڵدۆ ئەستێرەی پۆرتوگالی یانەی نەسڕی سعوودی پشتڕاستدەكاتەوە.
نێیمار لە گواستنەوەكانی هاوینەی ساڵی 2023 لە ریزەكانی پاریس سانجێرمانی فەڕەنسیەوە بە بەهای 90 ملیۆن یۆرۆ پەیوەندی بە هیلالەوە كرد.
پێشتر كریستیانۆ رۆناڵدۆ لە ئاهەنگی دابەشكردنی خەڵاتەكانی گڵۆب سۆكەر گوتی:
خولی سعوودی زۆر سەختترە، ئەوەی بڕوا بە قسەکانم ناکات با خۆی بچێت لە خولی سعوودی یاریی بکات! یاریکردن لەو پلە گەرمایە بەرزە ئاسان نییە!
ببورن، بەڵام فەڕەنسا تەنیا پاریس سانجێرمانی تێدایە، یانەکانی دیکە ئاستیان هیچ نییە، بەلامەوە گرنگ نییە خەڵکی چی دەڵێن، تەنیا دەڵێم خۆتان بچن لە سعوودیە یاریی بکەن ئەوکات دەزانن قسەکەم راستە.
لەگەڵ كریستیانۆ رۆناڵدۆ هاوڕام، ئێستا خولی سعوودی لە خولی فەڕەنسی باشترە.
ئاستی خولی سعوودی بەرزبووەتەوە و لە خولی فەڕەنسی باشترە، خولی فەڕەنسا خولێكی بەهێزە و من باش دەیزانم چونكە لەوێ یاریم كردووە، بەڵام ئێستا یاریزانانی خولی سعوودی باشترن.
