یاریگا –
ریاڵ مەدرید پێش گەشتەکەیان بۆ سعودیە، هەواڵێکی خۆشی بە هاندەرانی یانەکە دا.
پێنجشەممەی ئەم هەفتەیە مێرەنگی لە میانی جامی سوپەری ئیسپانیا رووبەڕووی مایۆرکا دەبێتەوە. بۆ ئەو یارییەش داڤید ئالابا گەڕاوەتەوە بۆ ریزەکانی یانەکەی دوای دابڕانی لە یاریکردن بۆ زیاتر لە ساڵێک کاتێک مانگی دیسەمبەری 2023 بە سەختی پێکرا.
پێش گەشتەکەیان بۆ ئەو وڵاتەی کەنداو، ریاڵ ناوی یاریزانە بانگهێشکراوەکانی بڵاوکردەوە و لە لیستەکەدا ئەستێرە نەمساییەکە دەبینرێت.
گەڕانەوەی ئالابا بژاردەکانی کارلۆ ئانچیلۆتی زیاتردەکات بۆ هێڵی بەرگری کە ماوەیەک ئەو هێڵە بەهۆی زۆری پێکانەوە دووچاری قەیران بووبووە.
هێشتا ئێدیر میلیتاو و دانی کارڤاخال ماوەی چاکبوونەوە بەسەردەبەن و ئەوانیش بۆ ماوەیەکی زۆر لە لاکێشەی سەوز دوورکەوتوونەتەوە.
مەدرید چاوی لەوەیە بە ئاسانی و کەمترین زیان خۆی بگەیەنێتە فیناڵی جامی سوپەر کە لەوێ رووبەڕووی براوەی نێوان بارسێلۆنا و ئاتڵێتیک بیڵباو دەکات.
📋✅ ¡Nuestros convocados!
🆚 @RCD_Mallorca#SuperSupercopa pic.twitter.com/XQkIbkQW1J— Real Madrid C.F. (@realmadrid) January 7, 2025
تیەمەکەی ئانچیلۆتی پێشەنگی خولی ئیسپانین و دەیانەوێ نیوەی دووەمی وەزرەکە خۆیان باشتر پیشانبدەن. هەربۆیە گەڕانەوەی یاریزانە پێکراوەکان لەم ساتەدا هێزێکی باشتر دەبێت بۆ رکابەرایەتیکردن لەسەر ئامانجەکانیان.
