تایبەت بە یاریگا؛ هەولێر و قوە جەوییە گۆڵپارێزەکانیان لەگەڵ یەکتری دەگۆڕنەوە

یاریگا –

هەولێر و قوە جەوییە گۆڵپارێزەکانیان لەگەڵ یەکتری دەگۆڕنەوە، حوسێن جولی و محەمەد رەحیم یانەکانیان دەگۆڕن.

بەگوێرەی زانیارییەکانی تۆڕی وەرزشی یاریگا، یانەکانی هەولێر و قوە جەوییە گەیشتوونەتە رێککەوتن، حوسێن جولی و محەمەد رەحیم ئاڵوگۆڕ بکەن، حوسێن جولی دەچێتە ریزەکانی جەوییە و درێسی ئەو یانەیەی بەغدا دەپۆشێت، محەمەد رەحیمیش دەبێتە پاسەوانی یانەکەی قەڵاومنارە.

محەمەد (29 ساڵ) رەحیم پێشتر هاوینی 2022 لە نەورۆزەوە روویکردە ریزەکانی قوە جەوییە و دوو وەرزە پارێزگاریی لە گۆڵی هەڵۆیەکانی بەغدا دەکات.

محەمەد رەحیم دەبێتە سێیەم گۆڵپارێز لەم وەرزە پەیوەندی بە ریزەکانی هەولێر بکات، هاوینی رابردوو یانەکەی قەڵاومنارە گرێبەستی لەگەڵ دڵۆڤان مەهدی و مەهدی هاشم کرد و ئەو دوو گۆڵپارێزە نوێیەی بردە ریزەکانی.

مێرکاتۆی زستانە؛ دوایین دەنگۆ و گرێبەستە واژۆکراوەکانی یانەکانی خولی ئەستێرەکانی عێراق