فلۆرێنتینۆ پێرێز بێ رکابەر دەبێتەوە سەرۆکی یانەی ریال مەدرید

یاریگا –

فلۆرێنتینۆ پێرێز بێ رکابەر دەبێتەوە سەرۆکی یانەی ریال مەدرید، هیچ بەربژێرێکی دیکە بۆ سەرۆکایەتی یانە ئیسپانییەکە نابێت.

خۆسیێ فیلێکس دیاز رۆژنامەنووسی بەنێوبانگی ئیسپانی لە رۆژنامەی مارکای ئیسپانی ئاشکرایکردووە، فلۆرێنتینۆ پێرێز بێ رکابەر دەبێتەوە سەرۆکی یانەی ریال مەدرید، ئەستەمە هیچ بەربژێرێکی دیکە بۆ سەرۆکایەتی یانە مەدریدییەکە خۆی بپاڵێوێت.

مارکا رایگەیاندووە، دوای نیوەڕۆی ئەمڕۆ یانەی ریال مەدرید دەست بە رێکار و پرۆسەی هەڵبژاردنی یانەکە دەکات، کە دەبێت پێش کۆتایی هاتنی ئەم مانگە سەرۆکی نوێێ یانەی ریال مەدرید هەڵبژێردرێت، بەڵام لەوانەیە بەهۆی ئەوەی یەک بەربژێر هەبێت، خێراتر و زووتر سەرۆکی یانە شایانەکە یەکلابێتەوە.

وابڕیارە ئەمڕۆ ئێوارە کاتژمێر 07:30 بە کاتی هەولێر دەرگای خۆپاڵاوتن بۆ سەرۆکی یانەی ریال مەدرید دەکرێتەوە، ئەگەر یەک بەربژێر هەبێت راستەوخۆ وەکو سەرۆکی یانەکە دەستنیشان دەکرێت.

فلۆرێنتینۆ پێرێز تاکە بەربژێر دەبێت بۆ سەرۆکی یانەی ریال مەدرید، کە لە دوایین دوو کۆبوونەوەی دەستەی گشتی یانەکەی بەڵێنیداوە چاکسازی ریشەیی لە یانەکەیدا بکات.

پێرێز (77 ساڵان) 22 ساڵە سەرۆکی یانەی ریال مەدریدە، لە ویلایەتی یەکەمیدا لە ساڵانی 200-2006 سەرۆکایەتی یانەکەی کرد، دواتر ساڵی 2009 بە سەرۆکی یانەکە هەڵبژێردرایەوە و تاوەکو ئێستا زسەرۆکی یانەکەیە. وەکو سەۆرکی یانەی ریال مەدرید 63 نازناوی بۆ یانەکە بەدەستهێناوە، 36 نازناوی لەسەر ئاستی تۆپی پێ و 27 نازناوی لەسەر ئاستی یاریی باسکە بەدەستهێناوە،