کاسیمێرۆ بە مووچەیەکی خەیاڵی دەچێتە نەسڕی سعوودی

یاریگا –

کاسیمێرۆ بە مووچەیەکی خەیاڵی دەچێتە نەسڕی سعوودی، دوو هێندەی مووچەکەی ئێستای لە سعوودیە وەردەگرێت.

رادیۆی تۆک سپۆرتی بەریتانی ئاشکرایکردووە، کاسیمێرۆ نزیکە بە مووچەیەکی خەیاڵی رووبکاتە ریزەکانی یانەی نەسڕی سعوودی، لەکاتێکدا ئەو ناوەڕاستکاترەی مانچێستەر یونایتد هاوینی رابردوو بە هەموو شێوەیەک رەتیکردەوە پەیوەندی بە ریزەکانی ئیتیحادی سعوودییەوە بکات و مانەوەی لە پرێمەرلیگ هەڵبژارد.

Casemiro edging closer to Man United exit as sale price is revealedhttps://t.co/h4dftakVEa

— talkSPORT (@talkSPORT) January 6, 2025

بەگویڕەی گرێبەستە نوێیەکەی کاسیمێرۆ لە سعوودیە دەبێتە خاوەنی یەکێک لە پێنج بەرزترین مووچە، هەفتانە 650 هەزار پاوەند وەردەگرێت، لەکاتێکدا ئێستا لە مانچێستەر یونایتد ئەو ناوەڕاستکارە بەڕازیلییە 320 هەزار پاوەند وەردەگرێت. سعوودییەکان بڕوایان وایە دەتوانن بە 30 ملیۆن یۆرۆ دەتوانن کاسیمێرۆ بگوازنەوە لەکاتێکدا هاوینی رابردوو ئیتیحاد ئۆفەرێکی بە بڕی 70 ملیۆن یۆرۆ پێشکەشی مان یونایتد کردبوو.

کاسیمێرۆ (32 ساڵان) کە هاوینی 2026 گرێبەستەکەی لەگەڵ مان یونایتد کۆتایی دێت، ساڵی 2022 لە ریال مەدریدەوە پەیوەندی بە ریزەکانی شەیتانە سوورەکان کرد.