بایرن میونشن ئامانجی مانچێستەر یونایتد بە 80 ملیۆن پاوەند دەگوازێتەوە

یاریگا –

بایرن میونشن خەریکی ئامادەکارییە بۆ گواستنەوەی ڤیکتۆر یۆکێرێش، هێرشبەری سویدی و سپۆڕتینگ لیسبۆن.

رۆژنامەی ستار بڵاویکردووەتەوە، سەرەڕای ئەوەی مانچێستەر یونایتد بۆ گواستنەوەی یۆکێرێش خۆی لە بۆسە ناوە، بەڵام بایرن بە توندی چووەتە نێو رکابەرییەکان و لەسەر گواستنەوەی سوورە.

بەگوێرەی زانیاری رۆژنامە بەریتانییەکە بێت، میونشن گفتوگۆی سەرەتایی لەگەڵ یۆکێرێش دەستپێکردووە و مەرجی هەڵوەشاندنەوەی گرێبەستەکەی بریتییە لە 80 ملیۆن پاوەند.

روبن ئامۆریم، راهێنەری مانچێستەر یونایتد پەیوەندییەکی زۆر باشی لەگەڵ یۆکێرێش هەیە، بۆیە ئەگەرەکانی گواستنەوەی بۆ مان یونایتد کراوەیە.

یەکێک لە ئاستەنگەکانی بەردەم گواستنەوەی یۆکێرێش بۆ بۆ مان یونایتد، بەشداریکردنە لە چامپیۆنزلیگی وەرزی داهاتوو، چونکە بەم دۆخەی ئێستا، پێشبینی بەشداریکردنی مان یونایتد لە چامپیۆنزلیگ ناکرێت.

یۆکێرێش خاوەنی 29 گۆڵە لە 25 یاریی سەرجەم پاڵەوانیەتییەکانی ئەم وەرزە.