ریال مەدرید رەتیدەكاتەوە گرێبەست لەگەڵ ئەستێرەیەکی لیڤەرپوول واژۆ بكات
تۆڕی رێلیڤۆ زانیارییەكان ئاشكرا دەكات..
یاریگا –
راپۆرتە رۆژنامەوانیەكان ئاشكرایانكرد، یانەی ریال مەدریدی ئیسپانی رەتیكردووەتەوە گرێبەست لەگەڵ ڤێرجیل ڤان دایک ئەستێرەی هۆڵەندی یانەی لیڤەرپوولی ئینگلیزی واژۆ بكات.
ڤان دایک لە هاوینی ساڵی 2017 لە ریزەكانی ساوسامتنەوە بە بەهای 84 ملیۆن یۆرۆ پەیوەندی بە لیڤەرپوولەوە كرد.
گرێبەستەكەی لەگەڵ رێدز لە هاوینی ئەمساڵدا بەسەردەچێت و ئێستا یاریزانەكە ئازادە و دەتوانێت بە بێ گەڕانەوە بۆ بڕیاری یانەكەی پەیوەندی بە یانەیەكی دیكەوە بكات.
El Real Madrid rechazó a Van Dijk.
◾️ Los agentes del jugador lo ofrecieron para el verano de 2025, pero no entra en los planes del conjunto blanco.
✍️ @JorgeCPicon https://t.co/59ypQRWB8i
— Relevo (@relevo) January 6, 2025
بە گوێرەی زانیارییەكانی تۆڕی رێلیڤۆ، بەڕێوەبەری كارەكانی ڤێرجیڵ ڤان دایک یاریزانەكەی پێشكەشی یانەی ریال مەدریدی ئیسپانی كردووە و پێشنیارییان كردووە لە هاوینی ئەمساڵدا گرێبەستی لەگەڵ واژۆ بكەن.
ئاماژە بەوەشكراوە، ئیدارەی ریال مەدرید رەتیانكردووەتەوە گرێبەست لەگەڵ یاریزانە تەمەن 33 ساڵانەكەی رێدز واژۆ بكەن ئەو یاریزانە لە پلانەكانی ئەو یانەیەدا نییە.
ریال مەدرید لەم وەرزەدا بەهۆی زۆری پێكانی یاریزانەكانی هێڵی بەرگری دەناڵێنێت و هەریەك لە ئیدێر میلیتاو، دەیڤد ئالابا و دانی كارڤاخال پێكانیان هەیە.
ڤان دایک لەگەڵ لیڤەرپوول 295 یاریی كردووە و توانیویەتی 25 گۆڵ بكات و 13 گۆڵیش درووست بكات.
