یاریگا –
چارەنووسی تۆمارکرانی ناوی دانی ئۆلمۆ دەکەوێتە دەستی هاندەرێکی ریال مەدرید.
هەینی رابردوو فیدراسیۆنی تۆپی پێی ئیسپانیا بۆ جاری دووەم داوایەکەی بارسێلۆنای بۆ تۆمارکردنی ناوی دانی ئۆلمۆ و پاو ڤیکتۆر لە لیستی یاریزانانی یانەکە رەتکردەوە.
بەڵام یانە کاتالۆنییەکە خۆی بەدەستەوە نەداوە ئەمجارە لە ئەنجوومەنی باڵای وەرزشەکانی ئیسپانیا تانەی لە بڕیارەکەی یەکێتیی تۆپی پێ داوە. سبەی سێشەممەش بڕیار لەسەر تانەکەی بارسا دەدرێت.
❗️The president of the CSD, José Manuel Uribes, is a Real Madrid fan and a regular socio of the VIP box at the Santiago Bernabéu. Barça appealed to the CSD for the Olmo Case.
— @sport pic.twitter.com/c53bg5gXE2
— Barça Universal (@BarcaUniversal) January 6, 2025
رۆژنامەی سپۆرت بڵاویکردووەتەوە، چارەنووسی ئۆلمۆ لەدەستی هاندەرێکی ریال مەدرید دەبێت بەگوێرەی ئەوەی خۆزێ مانوێل ئوریباس، سەرۆکی ئەنجوومەنی باڵای وەرزشەکانی ئیسپانیا هاندەرێکی سەرسەختی ریال مەدریدە.
خۆزێ مانوێل لە چاوپێکەوتنێکی لە 27ـی کانوونی دووەمی 2020 لەگەڵ رۆژنامەی ئاس پشتڕاستیدەکاتەوە هاندەری ریال مەدریدە و باسی رۆیشتنی لیۆنێل مێسی لە بارسێلۆنا دەکات.
هەر وەک چۆن ریال مەدرید رۆیشتنی کریستیانۆی تێپەڕاند، بارسێلۆناش بابەتی رۆیشتنی مێسی تێدەپەڕێنێت. وەک هاندەرێکی ریال مەدرید بە رۆیشتنی مێسی لە بارسا دڵخۆشم. بەڵام وەک بەرپرسێکی حکومەتی ئیسپانیا بۆ رۆیشتنی دڵتەنگم. لیۆ یاریزانێکی خەیاڵییە و هیوای باشترینی بۆ دەخوازم.
دوایین پەرەسەندن؛ کەی دادگای باڵا وەڵامی تانەی بارسێلۆنا دەداتەوە؟
