دۆنێل مالن لەگەڵ یانەیەکی پرێمەرلیگ رێککەوت
یاریگا –
دۆنێل مالنی هۆڵەندی لەگەڵ ئاستۆن ڤێلا گەیشتە رێککەوتن.
رۆژنامەنووسی تۆک سپۆرت بێن جەیکبس بڵاویکردووەتەوە، دۆنێل مالنی هۆڵەندی و هێرشبەری یانەی بۆڕووسیا دۆرتموند لەگەڵ یانەی ئاستۆن ڤێلای ئینگلیزی گەیشتووەتە رێککەوتن.
بەگوێرەی زانیارییەکانی رۆژنامەنووسە بەریتانییەکە هێشتا رێککەوتن لەگەڵ هەردوو یانەکە نەکراوە، بەڵام دۆرتموند بۆ دەستبەرداربوون لە یاریزانەکە داوای نزیکەی 30 ملیۆن یۆرۆ دەکات.
Donyell Malen has verbally agreed terms with Aston Villa. Still no club-to-club agreement. Dortmund have been insisting on a package for around €30m.🇳🇱 pic.twitter.com/4k3UKhj9xi
— Ben Jacobs (@JacobsBen) January 6, 2025
هاوینی رابردوو نرخی یاریزانە 25 ساڵانییەکە لە بۆرسەی یاریزانان گەیشتە 40 ملیۆن یۆرۆ، بەگوێرەی ترانسفێرمارکێت نرخی ئێستای یاریزانەکە 28 ملیۆن یۆرۆیە.
مالن لە هاوینی 2021 بە 30 ملیۆن یۆرۆ لە ئایندهۆڤنەوە پەیوەندی بە دۆرتموند کرد. لە سەرجەم پاڵەوانێتییەکان 131 یاریی بۆ یانەکەی کردووە 39 گۆڵی کردووە و 20 گۆڵیشی دروستکردووە.
