تەواو؛ یاریزانێکی چێڵسی پەیوەندی بە یانەیەکی ئیتاڵییەوە دەکات

یاریگا –

چێڵسی ئامادەیە رێگە بەچوونە دەرەوەی سێسارێ کاسادێی بدات.

رۆژنامەی سەن بڵاویکردووەتەوە، کاسادێی لەگەڵ تۆرینۆی ئیتاڵی رێککەوتووە و خەریکە چێڵسی و یانە ئیتاڵییەکەش لەسەر بەهای گواستنەوەکە دەگەنە رێکەوتن.

یاریزانی تەمەن 21 ساڵ، لە هاوینی ساڵی 2022 بەبڕی 12.6 ملیۆن پاوەند لە ئینتەر میلانەوە پەیوەندی بە چێڵسی کرد.

کاسادێی لە دوو ساڵی رابردوودا بە خواستن یاریی بۆ یانەکانی ریدینگ و لێستەر سیتی کردووە و لە یەنایەر/کانوونی دووەمی ساڵی رابردوو، جارێکی دیکە گەڕایەوە پێکهاتەی بلووز.

جیانلوکا دی مارزیۆ، رۆژنامەنووسی دیاری ئیتاڵی روونیکردووەتەوە، پێشبینی دەکرێت کاسادێی بەبڕی 10 ملیۆن پاوەند پەیوەندی بە تۆرینۆ دەکات.

هەرچەندە گواستنەوەکە تاوەکو کۆتایی ئەم وەرزە بە خواستن دەبێت، بەڵام بژاردەی گواستنەوەی هەمیشەیی لە گرێبەستەکەدا جێگیر دەکرێت.