باندێکی بەناوبانگی جیهانی لە یاریی کۆتایی چامپیۆنزلیگ کۆنسێرتێک ساز دەکەن
یاریگا –
باندی میوزیکی بەناوبانگی جیهانی لینکن پارک، بڕیارە لە نێوان هەردوو نیوەی یاری کۆتایی چامپیۆنزلیگ ئاهەنگێک ساز بکەن.
بڕیارە ئەم وەرزە یاری کۆتایی خولی یانە پاڵەوانانی ئەوروپا لە یاریگای ئەلیانز ئارێنا بەڕێوە بچێت کە یاریگای بایرن میونشنی ئەڵمانیایە و ئەڵمانییەکان هیوادارن لەم یارییەدا نوێنەرێکیان هەبێت.
یوفا هەمیشە رێکخستنی تایبەت بۆ ئەم یارییە دەکات و ئامانجیانە لەکاتی یارییەکەدا کەسێکی تایبەت بۆ بینەران ساز بکەن. لە پلانەکانی ئەم سالیشیان دا بە بانگهێشتکردنی یەکێک لە باندە بەناوبانگەکانی جیهانی میوزیک، لینکن پارک بڕیارە لە نێوان هەردوو گێمدا کۆنسێرتێک ساز بکەن.
Linkin Park have been booked to play the half-time show at the Champions League Final in Allianz Arena on May 31 [@ellie_henman] pic.twitter.com/AYdoaSPTir
— Bayern & Germany (@iMiaSanMia) January 5, 2025
رۆژنامەی زە سەنی بەریتانی ئاشکرای کردووە، باندی لینکن پارک بڕیارە لە نێوان هەردوو نیوەی ئەم یارییەدا کۆنسێرتێک بۆ بینەران سازبکەن و گۆرانییە بەناوبانگەکانی وەک one step closer و papercut لەگەڵ چەند گۆرانییەکی نوێ پێشکەش بکەن کە دەبێتە بۆنەیەکی زۆر تایبەت بۆ ئامادەبووان. بڕیارە ئەم یارییە لە 31ی ئایاری 2025 بەڕێوە بچێت.
