یاریگا –
ریال مەدرید دەیەوێت لەم زستانە دەستبەرداری خێسوس ڤایێخۆ ببێت.
رۆژنامەنووسی ئیسپانی میگوێل ئانخێل دیاز بڵاویکردووەتەوە، ریال مەدرید دەیەوێت لە مێرکاتۆی زستانە ڤایێخۆ ریال مەدرید جێبهێڵێت، بەڵام بەرگریکارە ئیسپانییەکە نایەوێت بڕوات و بەنیازە تاوەکو کۆتایی وەرز لە یانەکە بمێنێتەوە.
بەگوێرەی زانیارییەکانی ئانخێل دیاز، ڤایێخۆ لە پلانەکانی کارلۆ ئانچێلۆتی راهێنەری مێرێنگی نەماوە و راهێنەرە ئیتاڵییەکە بەهیچ شێوەیەک ئامادە نییە پشت بەو بەرگریکارە تەمەن 28 ساڵانییە ببەستێت.
El Real Madrid pretende que Vallejo salga en el mercado invernal.
Ancelotti no cuenta con él.
Vallejo no quiere marcharse y prefiere acabar la temporada y cumplir su contrato.
Ayer fue sometido a pruebas médicas porque arrastra algunas pequeñas molestias. No viaja a Cartagena.— Miguel Ángel Díaz (@miguelitocope) January 5, 2025
هاوکات دوێنێ پشکنینی پزیشکی بۆ یاریزانەکە کراوە، دەرکەوتووە پێکانی هەیە و لەگەڵ تیپەکە گەشتی کارتێگانای نەکردووە و لە لیستی یاریزانانی ریال مەدرید بۆ یارییەکەی ئەمشەویان لە جامی شای ئیسپانیا دوورخراوەتەوە.
یاریزانەکە لە هاوینی 2015 بەبڕی 5 ملیۆن یۆرۆ لە ریال زاراگۆزاوە پەیوەندی بە مەدرید کرد. لە 10 ساڵدا بەشداری تەنیا 32 یاریی یانەکەی کردووە و خاوەنی یەک گۆڵە. لەو ماوەیەش بەشێوەی خواستن یاریی بۆ گرانادا، وۆڵڤز، فرانکفورت و زاراگۆزا کردووە.
دوو نازناوی چامپیۆنزلیگ، دوو نازناوی جامی جیهانی یانەکان، نازناوێکی لالیگا، سێ نازناوی جامی سوپەری ئەوروپا، نازناوێکی جامی شای ئیسپانیا و دوو نازناوی جامی سوپەری ئیسپانیای لەگەڵ یانەکە بەدەستهێناوە.
خێسوس ڤایێخۆ لە هاوینی داهاتوو گرێبەستەکەی لەگەڵ لۆس بلانکۆس بەسەردەچێت و دەبێت بە یاریزانێکی ئازاد.
