یاریگا –
ئەمڕۆ لە یاریی كۆتایی جامی سوپەری ئیتاڵیا ئینتەر میلان و ئەیسی میلان رووبەڕووی یەک دەبنەوە.
وا بڕیارە ئەمڕۆ دووشەممە كاتژمێر 22:00 بەكاتی كوردستان ئینتەر میلان و ئەیسی میلان لە یاریگای ئەوەل پارک لە سعوودیە لە یاریی كۆتایی جامی سوپەری ئیتاڵیا رووبەرووی یەک ببنەوە.
پڕۆفایلی یاری
ئینتەر میلان لە یاریی پێشكۆتاییدا رووبەرووی ئاتاڵانتا بووەوە و یارییەكەشی بە دوو گۆڵی بێ وەڵام لێبردەوە، بەوەش توانی خۆی بگەیەنێتە یاریی كۆتایی جامی سوپەری ئیتاڵیا.
لەبەرامبەردا ئەیسی میلانی ركابەریملە یاریی پێشكۆتاییدا رووبەرووی یوڤێنتوس بووەوە و یارییەكەی بە ئەنجامی دوو گۆڵ بەرامبەر گۆڵێک لێبردەوە و خۆی گەیاندە یاریی كۆتایی پاڵەوانییەتیەكە.
ئینتەرەكەی سیمۆنی ئینزاگی لە سێریا ئەی لە 17 یارییدا دوازدە یارییان بردووەتەوە و چوار یارییش یەكسان بوون و تەنیا یەک یارییان دۆڕاندووە، بە كۆكردنەوەی 40 خاڵ لە ریزبەندی سێیەمی خولەكە دێن.
لەبەرامبەردا ئەیسی میلان راهێنەرێكی نوێی هەیە و یاریی رابردوو سێرجیۆ كۆنسیساو یەكەم یاریی وەک راهێنەری میلان بەرامبەر یوڤێنتوس كرد و توانی تیمەكە بگەیەنێتە یاریی كۆتایی.
میلان لەم وەرزەی سێریا ئەی لە 17 یاریی تەنیا حەوت یاریی بردووەتەوە شەش یاریی یەكسان بووە و چوار یارییش دۆڕاوە.
بە كۆكردنەوەی 27 خاڵ لە ریزبەندی هەشتەمی سێریا ئەی دێت.
هەردوو یانە لە مێژوودا 224 جار رووبەرووی یەک بوونەتەوە، ئینتەر 85 جار براوە بووە، میلانیش 72 جار لە 67 یاریش یەكسان بوون.
لە رووبەرووبوونەوەكانی نێوانیان ئینتەر 307 گۆڵیكردووە و میلانیش 287 گۆڵ.
ئاندرێ شێڤچینکۆ ئەفسانەی میلان بە 14 گۆڵ گۆڵكاری رووبەڕووبوونەوەكانی نێوانیانە.
هەواڵی پێكانی یاریزانەكان
ئینتەر بە بێ ماركۆس تورام، بێنیامین پاڤارد و ئاچێربی رووبەرووی میلان دەبێتەوە.
لە بەرامبەردا میلان بە بێ رافایێل لیاو، چۆكویزی، لۆفتوس چیک نوح ئۆكافۆر و ئالێساندرۆ فلۆرێنزی رووبەرووی ئینتەر دەبێتەوە.
پێکهاتەی پێشبینیکراوی ئینتەر میلان
یان سۆمەر
بیسێک، دی ڤرێی ، باستۆنی
دومفرێس، بارێلا، چالهانئۆگلۆ ، میختاریان، دی ماركۆ
تاریمی، لاوتارۆ مارتینێز
پێکهاتەی پێشبینیکراوی ئەیسی میلان
ماینان
ئێمیرسن رۆیال، تۆمۆری ، تیاو، هێرناندێز
موسا، فۆفانا، رێندێرس
پۆلیسیچ ، مۆراتا، خیمینێز
