یاریگا –
ئابڕووچوونێکی دیکەی ناوبژیوانان و بەتایبەت ژووری ڤاری لالیگا ئاشکرا دەکرێت.
هەینی رابردوو لە یارییەکی دواخراوی گەڕی 12ـی لالیگا ریال مەدرید لە مێستایا بووە میوانی ڤاڵێنسیاو بە ئەستەم یارییەکەی بەشێوەیەکی دراماتیکی 2-1 بردەوە.
لە خولەکی 60ـی یارییەکە کیلیان ئێمباپێی فەڕەنسی لە رێگەی پاسێکی جود بێڵینگهام گوڵی یەکەمی ریال مەدریدی تۆمارکرد. بەڵام ژووری ڤار بە بیانوی ئۆفساید گۆڵەکەی رەتکردەوە.
ماڵپەڕی Archivo VAR کە تایبەتە بە شیکاری ڤار، شیکاری بۆ حاڵەتەکە کردووە، بەگوێرەی ماڵپەڕەکە، گوڵەکەی کیلیان ئێمباپێ %100 درووست بووە و ژووری ڤار هەڵەی لە بڕیارەکەی کردووە، لە گۆشەیەکی هەڵە تەماشای دیمەنەکەیان کردووە.
🚨💥 ¡𝗥𝗘𝗧𝗥𝗔𝗧𝗔𝗗𝗔 𝗮𝗹 𝗦𝗔𝗢𝗧 𝗲𝗻 𝗲𝗹 𝗩𝗮𝗹𝗲𝗻𝗰𝗶𝗮 – 𝗥𝗲𝗮𝗹 𝗠𝗮𝗱𝗿𝗶𝗱!
❌ Mbappé se encuentra 𝗛𝗔𝗕𝗜𝗟𝗜𝗧𝗔𝗗𝗢 en el momento del pase de Bellingham.
▪️ La toma frontal evidencia el grave error del VAR a la hora de seleccionar el frame correcto. pic.twitter.com/QzWveaB6QE
— Archivo VAR (@ArchivoVAR) January 5, 2025
هاوکات هەر ئەمڕۆ کەناڵی فەرمی ریال مەدرید چەند وێنەیەکی بڵاوکردەوە و ئاشکرایانکردووە گۆڵەکەی ئێمباپێ دروست بووە، کەناڵی یانە ئیسپانییەکە ژووری ڤار بەوە تۆمەتبار دەکات دەستکاری دیمەنەکەیان کردووە.
هاوکات ئەمە جاری یەکەم نییە لەم وەرزە ناوبژیوانانی لالیگا هەڵەی گەورەیان بەسەردا تێدەپەڕێت، لە یاریی نێوان بارسێلۆنا و ریال سۆسیدادیش ژووری ڤار گۆڵێکی دروستی لیڤاندۆڤسکی رەتکردەوە.
کەناڵی بارسێلۆنا گاڵتە به ره‌تكردنه‌وه‌ی گۆڵه‌كه‌ی لیڤاندۆڤسكی دەکات
