مانچێستەر یونایتد دەتوانێت یۆکێرێش بگوازێتەوە؟

یاریگا –

مانچێستەر یونایتد لە مێرکاتۆی زستانە گرێبەست لەگەڵ ڤیکتۆر یۆکێرێش واژۆ ناکات.

رۆژنامەی دەیلی میرەری بەریتانی بڵاویکردووەتەوە، سەرەڕای زۆربوونی دەنگۆکانی گواستنەوەی یۆکێرێش، هێرشبەری سویدی و سپۆڕتینگ لیسبۆنی پۆرتوگالی بۆ مانچێستەر یونایتد، بەڵام رۆژنامەکە دووپاتیدەکاتەوە، هیچ گواستنەوەیەک روونادات.

روبن ئامۆریم، راهێنەری مان یونایتد زۆر بە هێرشبەری پێشووی تیمەکەی سەرسامە و دەیەوێت بیکاتە هێرشبەری ژمارە یەکی شەیتانە سوورەکان.

یۆکێرێش لە هاوینی ساڵی 2023 لە کۆڤێنتری سیتییەوە پەیوەندی بە لیسبۆن کرد، تاوەکو ئێستا 73 گۆڵی لە 78 یاریدا کردووە، لەوانە هاتریک بەرامبەر مانچێستەر سیتی لە چامپیۆنزلیگی ئەم وەرزە.

بەگوێرەی زانیارییەکانی رۆژنامە بەریتانییەکە بێت، ئامۆریم بەڵێنی بە سپۆرتینگ لیسبۆن داوە، لە مێرکاتۆی زستانەدا هیچ یاریزانێکی یانە پۆرتوگالییەکە نەگوازێتەوە، بەڵام نەیشاردەوە لە هاوینی داهاتوودا، دەست بۆ یاریزانانی یانەکە ببات.