یاریگا –
ئێوارەی ئەمڕۆ کاتژمێر 19:30 بە کاتی هەولێر، یاریی کلاسیکۆی ئینگلتەرا لە نێوان لیڤەرپوول و مانچێستەر یونایتد لە ئانفیڵد بەڕێوەدەچێت.
تاوەکو ئێستا مەترسییەکی جیدی لەسەر دواخستنی یارییەکە هەیە، چونکە پێشبینی بارینی بەفرێکی زۆر لە شاری لیڤەرپوول دەکرێت.
یانەی لیڤەرپوول لە بەیاننامەیەکدا دووپاتیکردووەتەوە، تاوەکو ئێستا بڕیاری یەکلاییکەرەوە نەدراوە
کۆبوونەوەی سەلامەتی بۆ هەڵسەنگاندنی دۆخی کەشوهەوا و هاتووچۆ ئەمڕۆ بەیانی کرا، تاوەکو بڕیار لەسەر بەڕێوەچوونی یاریی نێوان لیڤەرپوول و مانچێستەر بدرێت.
تاوەکو ئێستا پلانەکە وەکو خۆی جێبەجێ دەکرێت و یارییەکە لە کاتی دیاریکراوی خۆیدا بەڕێوەدەچێت.
بڕیارە دوانیوەڕۆ جارێکی دیکە ئەنجوومەنی سەلامەتی بۆ دوا هەڵسەنگاندن کۆببێتەوە.
A safety meeting was held this morning to assess the weather and travel conditions for today’s fixture against Manchester United at Anfield.
At this stage the match is planned to go ahead as normal and every effort is being made to get the game on.
A further safety meeting…
— Liverpool FC (@LFC) January 5, 2025
لیڤەرپوول لە 7ی مانگی رابردووش بەهۆی نالەباری دۆخی کەشوهەوا یاریی دێربی بەرامبەر ئێڤەرتن دواخرا و ئێستاش لەوانەیە بەهۆی زریانی دارا ‘Darragh’ یارییەکە دوابخرێت.
