یاریگا –
18 مانگ بەسەر گواستنەوەی مارکۆ ئەسێنسیۆ لە ریال مەدریدەوە بۆ پاریس سانجێرمان تێپەڕیوە، بەڵام ئەگەری گەڕانەوەی بۆ لالیگا هەیە.
ئەسێنسۆ کە یاریی کردنی لە پاریس سنووردار بووە و تەنیا لە 11 یاریدا لە لیگ وەن چوار یاریش لە چامپیۆنزلیگ بەشداری کردووە، یانەکەی ئامادەیە لە گواستنەوەی زستانە دەستبەرداری ببێت. بەپێی راپۆرتی سایتی کاوت ئۆفساید پاریس سانجێرمان هەر ئۆفەرێک لە نێوان 25 بۆ 30 ملیۆن یۆرۆ وەردەگیرێت. یانەکانی ریال سۆسیداد و ریال بیتیس ئارەزووی گواستنەوەی یاریزانە باڵە تەمەن 28 ساڵەکە دەکەن، بەڵام بە ئەگەرێکی زۆرەوە ئۆفەرەکانیان تەنیا بە شێوەی خواستن دەبێت.
Marco Asensio is wanted by #RealSociedad and #RealBetis, as per @caughtoffside. pic.twitter.com/d3XccTG1tm
— Football España (@footballespana_) January 4, 2025
لەلایەکی دیکەوە هەریەکە لە یانەکانی پرێمەرلیگ نیوکاسڵ و ئەستۆن ڤێلاش ئارەزووی گواستنەوەی ئەسێنسیۆ دەکەن. ئەم یانانە سەرچاوەی داراییان زیاترە لە دوو یانە ئیسپانییەکە و پێدەچێت ئۆفەری باشتر پێشکەش بکەن. بۆیە پێدەچێت گەڕانەوەی ئەسێنسیۆ بۆ لالیگا لە گواستنەوەی زستانەدا قورس بێت.
بەهۆی ئەوەی ئەسینسیۆ لە سەرەتای ژیانی وەرزشیدایە، گواستنەوەی بۆ تیپێکی نوێ دەتوانێت دەرفەتێک بێت بۆ گەڕانەوە بۆ ئاستە بەرزەکەی. سەرنجی تیپەکانی لالیگا و پرێمەرلیگ دەریدەخات کە تا ئێستاش وەک یاریزانێکی کاریگەر بۆ تیپ لە بازاڕی گواستنەوەکاندا سەیر دەکرێت.
ئەسێنسیۆ لە ماوەی پەیوەندی کردنی بە یانەکەی خلێفی لە کۆی یاریدا توانیویەتی دوو گۆڵ و چوار ئەستیست بکات و لە چامپیۆنزلیگیش لە کۆی 135 خولەک یاریی کردن هیچ گۆڵێکی نەبووە.
