یاریگا –
بەشێوەیەكی فەرمی یانەی تۆتنهام هۆتسبێری ئینگلیزی گواستنەوەی گۆڵپارێزێكی نوێی بۆ ریزەكانی یانەكەی راگەیاند.
ڤیكاریۆ گۆڵپارێزی سەرەكی تۆتنهام كە لە هاوینی ساڵی 2023 لە ریزەكانی ئیمپۆلیەوە بە بەهای 18 ملیۆن یۆرۆ پەیوەندی بە یانەكەوە كرد، بەهۆی پێكانەوە لە یاریگاكان دووركەوتووەتەوە.
یانە ئینگلیزیەكە بەهۆی نەبوونی گۆڵپارێزی یەدەك دەناڵێنێت و لە كۆتا پێنج یاریی 13 گۆڵیان لێكراوە.
Introducing our new 31 🧤 pic.twitter.com/N6pSCALKMt
— Tottenham Hotspur (@SpursOfficial) January 5, 2025
هەژماری فەرمی تۆتنهام لە پلاتفۆرمی ئێكس گواستنەوەی ئانتۆنین كینسكی گۆڵپارێزی سەرەكی سلاڤیا پراگی چیكی بۆ ریزەكانی یانەكەی راگەیاند.
گۆڵپارێزە تەمەن 21 ساڵانەكە بە گرێبەستێک بۆ ماوەی شەش ساڵ و بە بەهای 10 ملیۆن پاوەند پەیوەندی بە تۆتنهامەوە كرد.
گۆڵپارێزەكە لەگەڵ سپێرز درێسی ژمارە 31 دەپۆشێت.
