یاریگا –
بازرگانى به‌ناوبانگی جیهان و خاوه‌نی تۆڕی كۆمه‌ڵایه‌تی X ئیلۆن مەسک ئارەزووى کڕینى یەکێک لە یانە گەورەکانى پرێمەرلیگ ده‌كات.
گرنگیدانی ئیلۆن مەسک بۆ تۆپی پێ دوای ئەوە دێت کە پیرۆزبایی لە ئەستێرەی پۆرتوگالی کریستیانۆ رۆناڵدۆ کرد،كه گۆڵێکی بۆ نه‌سڕی سعودی به‌رامبه‌ر یانه‌ی غه‌رافه‌ی قه‌ته‌ری له چامپیونزلیگی ئاسیا كرد، كه یارییه‌كه به بردنه‌وه‌ی نه‌سڕ 3-1 كۆتایی هات.
رۆناڵدۆ لەو یارییەدا دوو گۆڵی كرد، هەروەها وێنەی یارییەکەی لە تویتێکدا لە ئەکاونتی خۆی لە ماڵپەڕی “X” بڵاوكرده‌وه و مەسک له تویته‌كه‌ی نووسیویه‌تی، پیرۆزە، ئەستێرەی پۆرتوگالیه‌كه‌ش وه‌ڵامی دایه‌و رایگه‌یاند، خۆشحاڵم کە چاوەکانت بەدوای تۆپی پێی باشدا دەگەڕێن.
Big win tonight! pic.twitter.com/W3HTxddz6U
— Cristiano Ronaldo (@Cristiano) November 25, 2024
بەگوێرەی هه‌والێك رۆژنامەی ویکێند سپۆرتی بەریتانی بڵاویكردووته‌وه، ئیلۆن مەسک کە سامانەکەی بە 421.2 ملیار دۆلار خەمڵێندراوە، ئارەزووی خۆی بۆ کڕینی یانه‌ی لیڤەرپوولی ئینگلیزی دەربڕیوە.
🚨 HUGE BREAKING 💣 Elon Musk is set to buy Liverpool FC.
The Tesla owner is the richest man in the world. The 53 year old wants to own a Premier League club.
[Grace Hooper, Weekend Sport] pic.twitter.com/NPUeN7xNDm
— Liverpool Zone (@LiverpoolZonee) January 4, 2025
له ساڵی 2010 گروپی وەرزشی فێنوای (FSG) خاوەنداریه‌تی لیڤه‌رپوولیان وه‌رگرت، کاتێک بە بڕی 300 ملیۆن پاوەند یانه‌كه‌یان كڕێ.
لە ساڵی 2023 فۆربێس بەهای یانەکەی بە زیاتر لە چوار ملیار پاوەند خەمڵاندووه، بەڵام گروپی (FSG) نیازی فرۆشتنی یانەکەیان نیه، به‌ڵام مەسک هه‌وڵده‌دات رازیان بكات به فرۆشتنی یانه‌كه.
