یاریگا –
ماوەیەکە لە ریال مەدرید باس لە شوێنگرەوەی کارلۆ ئانچێلۆتی دەکرێت، تۆڕی رێلێڤۆ زانیاری نوێ ئاشکرا دەکات.
هەرچەندە ریال مەدرید بەردەوام متمانەی خۆی بە ئانچێلۆتی دووپاتکردووەتەوە، بەڵام لە کۆریدۆرەکان ‘رێڕەوەکان’ی ڤالدێبێباس، باسی چابی ئاڵۆنسۆ، وەک شوێنگرەوەی چاوەڕوانکراوی ئانچێلۆتی دەکرێت.
تۆڕە ئیسپانییەکە روونیدەکاتەوە، دەستنیشانکردنی ئاڵۆنسۆ تەنیا بە کاتەوە پەیوەستە و ریال مەدرید بە باشترین شوێنگرەوەی ئانچێلۆتی دادەنێت.
لە دیسێمبەر/کانوونی یەکەمی ساڵی رابردوو و بە تایبەت لە یاریی بەرامبەر جیڕۆنا، گومان لە بەردەوامبوونی ئانچێلۆتی دەکرا، سەرەڕای هەماهەنگییەکی تەواو لەگەڵ ئەنجوومەنی کارگێڕی یانەکە.
ئەوکاتە ریال مەدرید لە دۆخێکی ناسەقامگیردابوو، یارییەکانی بەرامبەر بارسێلۆنا و میلانی لە سانتیاگۆ بێرنابیۆ دۆڕاند و ئەوکاتە پلانی یانەکە بۆ دوورخستنەوەی ئانچێلۆتی سەریهەڵدا.
🤓 La hoja de ruta de Xabi Alonso… siempre con el Real Madrid en el horizonte.
📌El entrenador del Bayer Leverkusen continúa muy feliz en el club alemán, a la espera de movimientos el próximo verano.
✍️ @Rodra10_97https://t.co/xxoCotFFi4
— Relevo (@relevo) January 5, 2025
پلانەکانی فلۆرێنتینۆ پێرێز، سەرۆکی ریال مەدرید بریتیبوو لە سەرخستنی سۆلاری بۆ تیمی یەکەم و دواخستنی دەستنیشانکردنی ئاڵۆنسۆ تاوەکو هاوینی داهاتوو.
بەڵام ئانچێلۆتی توانی هاوکێشەکە بگۆڕێت و ئێستا گەشبینییەکی زۆر بۆ بەردەوامبوونی راهێنەرە ئیتاڵییەکە هەیە و تاوەکو ئێستا کەس لە چوونە دەرەوەی کارلۆ لە هاوینی داهاتوو دڵنیانییە.
هێشتا ساڵێک بۆ بەسەرچوونی گرێبەستەکەی ماوە و ئەگەر ئەنجامەکان ئەرێنی بن، پێناچێت ئەنجوومەنی کارگێڕی یانەکە دووریبخاتەوە، بەڵام لەگەڵ دوورخستنەوەی کارلۆ، بەدڵنیاییەوە ئاڵۆنسۆ بژاردەی یەکەمی مەدریدە.
بەگوێرەی زانیارییەکانی تۆڕی رێلێڤۆ بێت، ئەگەر ریال مەدرید نازناوەکانی لالیگا و چامپیۆنزلیگ بەدەستنەهێنێت، ئەوا ئانچێلۆتی دووردەخرێتەوە و ئاڵۆنسۆ دەکرێتە راهێنەری داهاتوو.
ئاڵۆنسۆ لەگەڵ بایەر لیڤەرکوزن دڵخۆشە و ئەگەر ئانچێلۆتی تاوەکو هاوینی ساڵی 2026 لە ریال مەدرید بەردەوام بێت، ئەوا بژاردەیەکی زۆر گونجاوە بۆ راهێنەرە باسکییەکە، چونکە دەیەوێت کاتی زیاتر لە بۆندسلیگا بەسەرببات.
