یاریگا –
ئێوارەی ئەمڕۆ کاتژمێر 19:30 بە کاتی هەولێر، یاریی کلاسیکۆی ئینگلتەرا لە نێوان لیڤەرپوول و مانچێستەر یونایتد لە ئانفیڵد بەڕێوەدەچێت.
مەترسییەکی جیدی لەسەر دواخستنی یارییەکە هەیە، چونکە پێشبینی بارینی بەفرێکی زۆر لە شاری لیڤەرپوول دەکرێت.
دەستەی کەشناسی بەریتانیا هۆشداری رەنگی زەردی بەر لە بارینی بەفر بڵاوکردووەتەوە. بەگوێرەی پێشبینییەکانی کەشناسی بێت، سەر لە بەیانی ئەمڕۆ تاوەکو چەند کاتژمێرێک بەر لەدەستپێکردنی یارییەکە بەفر دەبارێت.
ئەنجوومەنی راوێژکاری سەلامەتی لیڤەرپوول ئەمڕۆ کۆدەبێتەوە و رێنمایی و بڕیاری نوێ بڵاودەکاتەوە و ئەگەر بەڕێوەچوونی یارییەکە مەترسی لەسەر ژیانی خەڵک دروست بکات، لەوانەیە بڕیاری دواخستنی بدات.
لیڤەرپوول لە 7ی مانگی رابردووش بەهۆی نالەباری دۆخی کەشوهەوا یاریی دێربی بەرامبەر ئێڤەرتن دواخرا و ئێستاش لەوانەیە بەهۆی زریانی دارا ‘Darragh’ یارییەکە دوابخرێت.
