گفتوگۆ بۆ گواستنەوەی راشفۆرد دەستیپێکردووە

یاریگا –

مارکوس راشفۆرد دوایین کاتەکانی خۆی لەگەڵ مانچێستەر یونایتد بەڕێدەکات و ئەو یاریزانە بەشێک نییە لە پلانەکانی روبن ئامۆریم.

یاریزانە ئینگلیزیەکە چەند یاریی لەسەریەک لە پێکهاتەی راهێنەرە پۆرتوگالیەکە دوورخرایەوە تا لە کۆتا یاریی لە 30 مانگی رابردوو بەرامبەر نیوکاسڵ گەڕاندیەوە، بەڵام یاریی پێنەکرد کە شەیتانە سوورەکان بە 2 گۆڵی بێ وەڵامیش دۆڕان.

بەگوێرەی نوێترین زانیاریی کە ماتیۆ مۆرێتۆی رۆژنامەنووسی رێلیڤۆ بڵاویکردووەتەوە، لە چەند رۆژی رابردوودا یانەی ئەیسی میلان چووەتە گفتوگۆوە لەگەڵ مان یونایتد بۆ گواستنەوەی هێرشبەرە 27 ساڵانەکە.

سەرباری پشتگوێخرانی لەلایەن ئامۆریمەوە، راشفۆرد بە 4 گۆڵ ئێستاش باشترین گۆڵکاری ئەم وەرزیە یانەیەکەیتی هاوشانی برونۆ فێرناندێش. هەروەها خاوەنی 2 ئەسێستیشە.