یاریگا –
بارسێلۆنا نایەوێ بەئاسانی ئاڵای سپی هەڵبکات لە پرسی تۆمارکردنی ناوی دانی ئۆلمۆ و پاو ڤیکتۆر کە ئەمڕۆ بە فەرمی تۆمارکردنیان رەتکرایەوە.
فەرمی؛ فیدراسیۆنی تۆپی پێی ئیسپانیا چارەنووسی ئۆلمۆ یەکلایی دەکاتەوە
بەپێی راگەیەندراوێک لەلایەن بەرپرسێکی بارسێلۆناوە کە فابریزۆ رۆمانۆش بڵاویکردووەتەوە، یانە ئیسپانییەکە هانا دەبەنەبەر دادگای کارگێڕی بۆ بابەتی وەرزشی کە لەژێر پسپۆرێتی ئەنجوومەنی باڵای وەرزشی ناسراو بە CSD لەپای ئەو بڕیارەی لەلایەن لیژنەی هەماهەنگی نێوان یەکێتی تۆپی پێی ئیسپانیا و کۆمەڵەی لالیگا دەرکرا بۆ رێگریکردن لە ناوی ئەو دوو یاریزانە.
لە درێژەی زانیاییەکەدا هاتووە کە یانە کەتەلۆنییەکە هیوای هەیە هەرچی زووە هەوڵی ئەم جارەیان لەلایەن ئەو دادگایەوە بەرهەمی هەبێت توا دوو یاریزانەکەی بۆ جامی سوپەری ئیسپانی ئامادەبن کە 8ی ئەم مانگە لە وڵاتی سعودیە بەڕێوەدەچێت و تێیدا رووبەڕووی ئاتلێتیک بیڵباو دەبنەوە.
