پیشەگەرێکی دیکە خولی سعودی جێدەهێڵێت

یاریگا –

یاریزانێکی دیکە دەیەوێ لە خولی سعودیە بڕوات و لە دەرگای یانەی مارسیلیاوە بگەڕێتەوە ئەوروپا.

هەر لەدوای لێدوانەکانی مانگی دیسەمبەری کریستیانۆ رۆناڵدۆ لە بۆنەی دابەشکردنی خەڵاتەکانی زە بێست کە بە ئاشکرا باسی لەوە کرد خولی سعودی لە خولی فەڕەنسی بەهێزترە، تا ئێستا هەواڵی رۆشتنی دوو یاریزانی خولی ئەو وڵاتەی کەنداو بەرەو فەڕەنسا بڵاوبووەتەوە. لە ماوەی رابردوودا هەواڵی رۆشتنی سیکۆ فۆفانا بڵاوکرایەوە و ئێستاش لویز فێلیپی.

ئەستێرەیەکی نەسڕ پەیوەندی بە خولی فەڕەنسیەوە کرد

بەگوێرەی زانیارییەکانی فابریزۆ رۆمانۆ، یانەی مارسیلیا رێککەوتووە تا لە گواستنەوەیەکی ئازاددا فێلیپی بگوازێتەوە ریزەکانی.

رۆمانۆ ئاشکرایکردووە کە لە دڵی بەرگری یاریی دەکات سەربەخۆ وەک یاریزانێکی ئازاد رێککەوتنەکەی لەگەڵ یانە فەڕەنسیەکە کردووە.

ئەو رۆژنامەنووسە زانیوشیەتی کە دووشەممەی ئەم هەفتەیە لویز گەشتی شاری مارسیلیا دەکات بۆ تەواوکردنی وردەکارییەکانی رێککەوتنەکە.

🚨🔵⚪️ EXCLUSIVE: Olympique Marseille agree deal to sign Luiz Felipe on free transfer, here we go!

Italian defender leaves the Saudi club as free agent and joins OM with immediate effect.

Luiz will travel to Marseille on Monday! pic.twitter.com/XruB1IKm57

— Fabrizio Romano (@FabrizioRomano) January 4, 2025