یاریگا –
چارەنووسی دانی ئۆلمۆ و پاو ڤیکتۆر یەکلایی دەکرێتەوە.
خوانفێ سانز رۆژنامەنووسی ئێل چیرینگویتۆ بڵاویکردووەتەوە، پاش کۆبوونەوەیەکی چڕی نێوان لالیگا و فیدراسیۆنی تۆپی پێی ئیسپانیا بڕیاریاندا رێگە بە تۆمارکرانی ناوی دانی ئۆلمۆ و پاو ڤیکتۆر لە لیستی یاریزانانی بارسێلۆنا نەدەن.
بەگوێرەی زانیارییەکانی هەمان سەرچاوە، لە چەند کاتژمێرێکی داهاتوو بەفەرمی بڕیارەکە رادەگەیەنرێت و هەردوو یاریزانەکە ناتوانن لەگەڵ بارسێلۆنا بەشداری یارییەکانی نیوەی دووەمی وەرزەکە بکەن.
🚨EXLUSIVA @JuanfeSanzPerez 🚨
📋❌ Tras intensas reuniones, La Liga y la RFEF han decidido NO PERMITIR la inscripción de Dani Olmo y Pau Víctor.
ℹ️ Se hará oficial en las próximas horas. pic.twitter.com/DPyQbBelp2
— El Chiringuito TV (@elchiringuitotv) January 4, 2025
یاریزانی تەمەن 26 ساڵان لە هاوینی رابردوودا بە بەڕی 60 ملیۆن یۆرۆ لە لایپزیگەوە پەیوەندی بە بارسێلۆنا کرد، بەڵام بەهۆی سنووربڕی بارسا لە مووچەی یاریزانان، نەیتوانی بە شێوەیەکی هەمیشەیی ناوی ئۆلمۆ لەلالیگا تۆمار بکات، بۆیە دوای تووشبوونی ئاندرێس کریستیێنسن بە پێکان، ناوی ئۆلمۆ بە شێوەیەکی کاتی تاوەکو سەریساڵ تۆمارکرا.
